E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Nga Mentor Kika/ Kur i shpall luftë natyrës dhe akuzon pusetën për përmbytjet

23 Nëntor 2015, 11:35, Opinione CNA

Të dielën ranë reshje shumë të dendura. Shiu që duhej të binte gjatë 3 muajve vjeshtë ra për nja 3 orë dhe bëri atë që bëri. Rrugë të përmbytura, shtëpi me ujë, lagje të tëra të shndërruara në pellgje, autostrada të bllokuara, rrugë e ura të shembura, peme të rrëzuara?.

Pra ndodhi fiks ajo që ndodh gjithmonë. Ashtu sic pritej, psh, në Tiranë, opozita akuzoi Erjon Velinë si shkaktarin e përmbytjes. Erjoni, kuptohet,tha se nuk është faji im se unë s?kam si e ndryshoj Tiranën për 100 ditë. Në fakt nuk ka për ta ndryshuar dot(këtë që është) edhe sikur të qëndrojë kryetar për 100 vjet, edhe pse për herë të parë pashë punëtorë që pastronin gjethet për të mos u bllokuar pusetat, edhe në mes të stuhisë.
Kështu ndodhte edhe kur ishte Basha kryetar, edhe kur ishte Rama?
Në fakt çfarë po ndodh?
Kanë ndodhur dy gjëra që ecin në drejt të kundër me njëra ? tjetrën.
E para: Klima po ndryshon. Madje shumë shpejt. Reshjet nuk bien më sipas stinëve dhe vetë stinët nuk i binden më kalendarit. Natyra është bërë agresive, si në nxehtësi ashtu edhe në reshje. Në këto kushte ka vetëm një rrugë që rraca njerëzore të mbijetojë: Ti përshtatet natyrës, e kundërta nuk ndodh.
E dyta: Ne po ia lehtësojmë punën natyrës për të na bërë gropën. Në qytete kemi ndërtuar e vazhdojmë të ndërtojmë në rrumpallë të vërtetë. Ndërsa natyra shton ujin që derdh mbi ne, ne ngushtojmë kanalet më shumë, ndërtojmë pallate që i ngjajnë më shumë labirintheve sesa qytetit. Ngushtojmë rrugët, e në vend që të hapim kolektore të rinj, më të mëdhenj, zëmë edhe ata që janë. Natyra shton agresivitetin e ne shkatërrojmë pyjet, natyra acarohet më shumë e ne shkatërrojmë argjinaturat e lumejve?. deti cdo vit përparon nga toka, e ne akoma më shumë ndërtojmë më afër detit. Në qytet e në fshat, me një këmbëngulje prej budallai, ne i kemi shpallur luftë natyrës, në vend që të ulim kokën e ti bindemi asaj. Dhe pastaj bërtasim duke akuzuar njëri-tjetrin për pusetën, duke bërë politikë. Hahahaha sa qesharakë që jemi, sa mjeranë dhe sa gjynah njëkohësisht. Nuk është punë pusete kjo, kjo është cështje mbijetese. Ne duhet të fillojmë të mendojmë se jetojmë në të tjera kushte e duhet tia përshtasim mënyrën se si ndërtojmë, si ushqehemi e si jetojmë, këtyre kushteve. Dinosaurët nuk i zhdukën gjahtarët e paligjshëm, por i zhdukën ndryshimet e klimës. Klima ka marrë kazhikun e po na godet, ndërsa ne i bëjmë karshillëk.