web counter
LEXO PA REKLAMA!

SHKARKO APP

App Store
Google Play

E fundit!

x

Kapja dhe pengmarrja e FRPD-së/Edi Rama, Henri Çili dhe kandidati i tyre

20 Nëntor 2015, 20:26, Aktualitet CNA

Në pamje të parë duket një njeri me kontribute dhe vërtet një vlerë për PD-në dhe opozitën, por realiteti është krejt ndryshe dhe për këtë ai është kujdesur jo pak. Kjo është një meritë që duhet t?ja njohim djalit nga fshati i thellë i Lozhanit të Bashkisë Maliq. Ai në PD u shfaq në vitin 2013, në Tiranë pak vite më parë sot po Lufton në një garë. Themi 2013 sepse në vitin 2011, ishte me pagesë në fushatën e zgjedhjeve në Korcë, për punën në fushatë ai dhe UET kanë kërkuar jo pak, por 30 mijë euro. Në fakt më shumë se kontribut ka qenë punë mercenari. Më tej Lulzim Basha e përdori për disa dalje e denoncime publike por menjeherë e zhduku nga ekrani. Në korridoret e PD-së flasin se ai kërkoi para për një denoncim publik por ky fakt ngeli një thashethem, ndërsa ai u zhduk nga daljet publike. Në fund u shfaq si kandidat për kreun e FRPD. Asnjë sekondë, asnjë ditë, asnjë cast kontribute në organizatën e të rinjve demokratë, thjesht njëherë rrembeu dhe tentoi me urdhër të Gert Bogdanit të prishte kuvendin e FRPD në Korcë, por dështoi me sukses. Ky është në fakt sot kandidati i UET dhe Henri Çilit për FRPD-në.

Kandidati i Çili

U shfaq kandidat për kreun e FRPD i pari, ndërkohë të tjerët ishin të pritshëm prej kohesh. Bëri llogaritë dhe mori makinerinë e UET me vetë, një staf me gati 500 vetë në Tiranë dhe rrethe. 100 bursa universitare dhe një buxhet me miliona lekë. Henri Çili kërkonte të kapte FRPD-në. Kishte vetëm një problem, sponsori i tij Çili ishte i
urryer në oborrin e opozitës, duhet të kishte një shpëtim për Ervinin. Problemi tjetër ishte ortakëria me Sadri Abazin, por ajo mund të lihej kollaj jashtë vëmendjes.

Problemi kryesor ishte vetë shefi i tij, së pari Henri Çili është mbështetësi kryesor i ligjit të arsimit të lartë. Ai është sponsori dhe aktori kryesor në përgatitjen e këtij ligji. Një ligj për të cilin Çili ka mohuar lidhjen, por ka haruar të tregojë se ja serviri të njëjtin ligj dhe mbështetjen publike edhe ish-kryeministrit Berisha, këtë ky i fundit e ka thënë publikisht. Ligji u bë nga Rama për Henri Çilin dhe ky ishte një fakt publik, PD ishte as mish e as peshk në fillim, më pas me ndërhyrjen e Berishës dhe Topallit u pozicionua ashpër kundër.

Ligji, Rama dhe Çili

Henri ose Neim Çili njihet për miqësinë e tij me Ramën, se fundi ai ka përgatitur një grup studentësh që publikisht

del dhe mbron ligjin. Grupi kryesohet nga Dasara Cili mbesa e pronarit të UET. Një ligj i përgatitur nga Rama për interesat e Çilit, që mbështetet nga ky i fundit dhe stafi i tij. Një nga njerzit pro ligjit është edhe Ervin Salianji kandidati për kreun e FRPD i cili në takime dhe publikisht u shpreh kundër ligjit. Ai e di mjaft mirë se qënia pro ligjit mund ti jepte kosto në garë, për këtë ai mohon lidhjen me ligjin. Dhe kush e mohon ligjin? Krahu i djathe i Henri Çilit, drejtuesi i UET ALUMNI, ortaku i Çilit në biznese, aktualisht ka me qera Bar-restorantin e UET të cilin e furnizon me ujë pusi. Flet kundër ligjit ndërkohë që ka lobuar me deputetë të opozitës në hapat e para të ligjit për ta mbështetur atë. Ervin Salianji me pafytyrësi mohon gjithashtu, ose më mirë e fsheh miqësinë e tij me Çilin dhe është kujdesur të mos ketë foto publike, por ne e siguruam atë. Ai e di mjaft mirë se miqësia me Çilin publikisht në FRPD mund ti jepte kosto. Por sado kujdes të ketë, dicka i ikën nga kontrrolli. Mbesa e Henri Cilit, Dasara Çili është drejtuesja kryesore e stafit të tij, ajo u fotografua gjatë debatit të FRPD në Vlorë. Pra mbështetësja kryesore e ligjit të Ramës në krah të Salianjit, ky në fakt ka qenë mbështetës kryesor i ligjit brenda PD-së, por në publik thotë: jam kundër.

Çili dhe FRPD

Gënjen për Çilin, gënjen për ligjin. Ligji është i Çilit dhe i përgatitur nga Rama, Salianji është thjesht  vegla e Çilit për të kapur FRPD-në. Atij i duhet një levë e fortë brenda opozitës e cila nesër në pushtet mund ti krijojë probleme me ndryshimin e ligjit. Për më tepër tashmë Çili kërkon te ketë edhe deputete, nuk i mjaftojnë intrigat, klientelizmi dhe pazaret apo kapja e kryeministrit, kërkon të jetë në parlament në mënyra të ndryshme, kapja e FRPD është një mundësi. Çili po shpenzon dhe jep gjithcka që Salianji të kapë kreun e FRPD-së, por kjo llogari e tyre nuk mund të tolerohet nga PD dhe të rinjtë demokratë. Blerja e votave, diplomat, stafet me pagesë, rregjistrimi i punonjësve të call centër si antarë Forumi, janë disa nga faktët që po ndodhin ditë pas ditë në garën për kreun e FRPD-së. Në fakt të rinjtë demokratë duhet të reagojnë, nuk duhet të gënjëhesh dhe mashtrohen nga fasada dhe pazari që server kllouni i Çilit, duhet vërtet një reagim i fortë përballë intrigës të një sharlatani nga Labinoti dhe një palacoje nga Lozhani që kërkojnë t?ju marin peng strukturat drejtuese dhe këtë duhet ta bëjnë me votë kundër kësaj race ortakësh të Ramës që duan të bëjnë pis edhe opozitën./citynews





Lajmet e fundit nga