E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dritan Prifti: Rama, mbështetësi kryesor që të publikoja videon e Metës

10 Nëntor 2015, 20:54, Aktualitet CNA

Ish-deputeti Dritan Prifti ka deklaruar se Edi Rama ka qenë nxitësi dhe mbështetësi kryesor që ai të publikonte videon e Ilir Metës, në kohën kur ky i fundit ishte në qeveri me Sali Berishën. Në një intervistë për gazetarin Çim Peka, Prifti shprehet se Rama i kishte garantuar mbështetjen e opozitës së atëhershme.

?Dritan Prifti: Nuk kisha bërë pazar por kisha një konsensus me atë, ishte më shumë se konsensus sepse ai ishte nxitësi kryesor dhe mbështetësi kryesor i publikimit të asaj videoje, se unë pa mbështetjen e tij nuk do të gjeja forca që ta bëja atë lloj denoncimi.? tha Prifti.

?Më kishte dhënë garancinë e mbështetjes së opozitës për aktin tim të guximshëm. Sigurisht që më ka dhënë premtime se do të jem deputet i Partisë Socialiste, dhe gjëra të tjera si këto. Por për momentin ai ishte thjeshtë një kryetar opozite dhe më ka dhënë garancinë që opozita do të jetë në krahun tim për këtë akt që unë ndërmora.? vijon Prifti duke iu përgjigjur pyetjes se çfarë garancie i kishte dhënë Edi Rama në atë kohë në këmbim të publikimit të asaj videoje.

Intervista me Dritan Priftin vijon si më poshtë

Çim Peka: Çfarë mendoni se e detyroi Edi Ramën që mos ju fuste në listën e PS?

Dritan Prifti: E kam thënë dhe herë tjetër pazari me Ilir Metën, largimi im nga parlamenti ishte kushti numër një i bashkimit të tyre. Sigurisht që ata u bashkuan bashkë dhe unë dola pjesa më e parëndësishme.

Çim Peka: Meqenëse kaluam tek raportet tuaja me ish-kryetarin e opozitës, kur e keni kontaktuar për herë të fundit zotin Rama?

Dritan Prifti: Nuk e mbaj mend të them të drejtën

Çim Peka: Bëhet fjalë për muaj apo për vite?

Dritan Prifti: Behët fjalë për shumë muaj jo vite, mbase pak më shumë se një vit, pasi mbas bërjes së tij kryeministër kam pas disa kontakte të thjeshta.

Çim Peka: Po me Ilir Metën?

Dritan Prifti: Me Ilir Metën kanë qenë para zgjedhjeve të 2013, me korrierë dhe me ndërmjetës kemi pas kontakte mbase dhe pak javë më përpara por jo të drejtpërdrejta.

Çim Peka: Keni pasur kontakte me korrierë pak javë më përpara, çfarë mund të bisedonit ju me Ilir Metën?

Dritan Prifti: Këto janë gjëra që ndodhin. Ne kemi goxha miq të përbashkët, për shkak të një historie 10 vjeçare bashkëpunimi. Ka raste që miqtë e përbashkët dërgojnë dhe mesazhe të përbashkëta nga njëra anë tek tjetra.

Çim Peka: Mesazhet janë mesazhe pajtimi apo ndonjë gjë tjetër?

Dritan Prifti: Jo absolutisht, mesazhet nuk janë miqësore. Janë mesazhe që ti ppo bën këtë, unë do të bëj këtë. Mesazhet më shumë janë të një natyre gallate se sa të ndonjë natyre serioze.

Çim Peka: Nuk janë miqësore, sepse në rast se ato janë kërcënime sigurisht që janë serioze?

Dritan Prifti: Jo nuk bëhet fjalë për kërcënime.