web counter
LEXO PA REKLAMA!

SHKARKO APP

App Store
Google Play

E fundit!

x

Ekspertiza: Prenga qëlloi me armë pa leje

4 Nëntor 2015, 07:27, Aktualitet CNA

Ekspertiza  shkencore ka dalë në përfundimin se  deputeti Armando Prenga ka qëlluar me armën pa leje në konfliktin e 4 shtatorit në Laç.

Në konfliktin me familjen Cali për pronësinë mbi Lagunën e Patokut.

Deputeti Prenga deklaroi në polici ditën që u arrestua se kishte qëlluar me armë, por me pistoletën që ka me leje.

Ky raport i ekspertizës është dorëzuar nga Prokuroria në Gjykatën e Lartë.

Raporti njofton se nuk është qëlluar me armën me leje të deputetit, por nga një armë tjetër model TT, të cilën Prenga nuk e ka dorëzuar në komisariat dhe që ende nuk është gjetur.

Ekspertët shprehen se arma që deputeti dorëzoi në polici, duke pretenduar se e ka me leje dhe kishte qëlluar një herë në ajër, rezultoi se nuk është bërë asnjë shkrepje.

Kjo është vërtetuar shkencërisht dhe në këtë mënyrë është hedhur poshtë pretendimi i Armando Prengës, pra ka gënjyer.

Sipas prokurorëve, Prenga ditën e konfliktit me peshkatarët e familjes Cali ka përdorur një armë tjetër, pa leje të cilën ende policia nuk e ka gjetur. Sipas akuzës, deputeti Prenga mbrëmjen e 4 shtatorit, pas një debate me dy të rinjët e peshkatarëve të familjes Cali, e ka goditur me qytën e pistoletës në kokë Gjok Calin në rrugën Patok-Laç dhe ka qëlluar me pistoletë në drejtim të tij.

Pak minuta më pas, Prenga së bashku me vëllanë e tij dhe disa persona të tjerë është përfshirë në përplasje fizike dhe me armë me peshkatarët e familjes Cali pranë Komisariatit të Laçit, ku për pasojë kanë mbetur të plagosur me armë dy persona.

 





Lajmet e fundit nga