E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shkencëtarët: Bota po përballet me krizën e ujit

2 Nëntor 2015, 09:27, Kosova & Bota CNA

Uji është vazhdimisht në mendjet e njerëzve që jetojnë në pjesën perendimore të Shteteve të Bashkuara pasi ka patur mungesë të tij për disa vite. Kjo është thatësira më e madhe në historinë e Kalifornisë. Por perëndimi amerikan nuk është i vetmi vend i etur për ujë.

?Më shumë se gjysma e popullsisë së botës jeton në zona me pakicë të ujit dhe sipas Kombeve të Bashkuara numri do të rritet me dy të tretat deri në vitin 2025, më pak se 10 vjet më pas.? thotë eksperti Jerry Shubel.

Sasia e ujit në tokë nuk ka ndryshuar për miliarda vjet. Por raporti mes ujit të pijshëm dhe atij të kripur ka ndryshuar, thotë Jerry Schubel me Akuariumin e Paqësorit. Ka edhe faktorë të tjerë që janë duke krijuar një mungesë të ujit të pijshëm: ?Në pjesën më të madhe të botës, mungesa e ujit të pijshëm është një krizë në rritje që do të shtohet nga ndryshimet klimatike dhe shtimi i popullsisë.?

Schubel thotë se shumica e popullsisë së botës jeton në vende që kanë ujëra të përbashkëta, por shumë nga këto vende nuk kanë marrëveshje sesi ta ndajnë ujin.

?Dhe shumë nga këto rajone janë në zona me trazira politike: Afrika Veriore, Gadishulli Arabik dhe Azia Qendrore, Jugore dhe Jugperëndimore. Popullsia agregate në këto zona pritet të trefishohet deri në fund të shekullit. Kështu që mungesa e ujit mund të bëhet pikë konflikti rajonal dhe ndërkombëtar.?

Shkencëtarët thonë se diskutimet janë hapi i parë për të zgjidhur krizën e ujit. Shkripëzimi i ujit të detit është gjithashtu një opsion, por kjo vjen me një çmim, thotë Kevin Wattier i cili ka menaxhuar departamentin e ujit në Long Beach për 14 vite.

?Do të kushtonte të paktën dy ose tre herë më shumë të shkripëzojmë ujin e detit sesa kushton uji i importuar. Do të shtonim karbonin global përmes procesit të shkripëzimit,? thotë eksperti Kevin Wattier.

Ndërsa Schubel thotë se problemi i mungesës së ujit mund të zgjidhet vetëm në se vendet punojnë së bashku: ?Ne do të furnizonim të gjithë në këtë planet me ujë të pastër dhe ujë për të rritur drithërat e tyre. Por kjo kërkon para, teknologji, vullnet politik dhe bashkëpunim. Dhe përvoja e ndarjes kërkon vendime të përbashkëta në nivele ndër-qeveritare.?

Ai thotë se bashkëpunimi është i rëndësishëm pasi kriza e ujit vetëm do të keqësohet./Zëri i Amerikës