web counter
LEXO PA REKLAMA!

SHKARKO APP

E fundit!

x

Turqi/ Partia e presidentit, Erdogan kryeson ndjeshëm në zgjedhjet legjislative

1 Nëntor 2015, 16:39, Kosova & Bota CNA

Partia islamo-konservatore e presidentit turk, Recep Tayyip Erdogan ka fituar me një rezultat të thellë zgjedhjet legjislative që u zhvilluan sot në Turqi, sipas rezultateve paraprake të publikuara nga stacionet televizive informative lokale.

?Në bazë të 52 për qind të votave të numëruara, Partia për Drejtësi dhe Zhvillim (AKP, islamo-konservatore) ka marrë 51,8 për qind të votave?, sipas NTV dhe CNN-turk, pa mundur të konfirmojnë me siguri nëse ajo do të sigurojë ose jo maxhorancën absolute, humbur pesë muaj më parë.

Partia Republikane Popullore (CHP, social-demokrate) është renditur e dyta me 22,1 për qind të votave, e ndjekur nga partia Demokratike Popullore (HDP, prokurde) me 11, 4 për qind, me një rezultat më të ulët se ai më 7 qershor.

E papritura ndodhi edhe me Partinë e Lëvizjes Nacionaliste (MHP, e djathtë) që, me 11,2 për qind të votave, regjistroi një rënie me pesë pikë në raport me zgjedhjet e mëparshme.

Më 7 qershor, AKP-ja mori 40,6 për qind të votave duke u privuar nga maxhoranca qeveritare, për herë të parë që prej ardhjes në pushtet në vitin 2002./





Lajmet e fundit nga