web counter
LEXO PA REKLAMA!

SHKARKO APP

App Store
Google Play

E fundit!

x

Kore e Jugut/ Seuli, Tokio dhe Pekini njoftojnë rifillimin e bashkëpunimit mes tyre

1 Nëntor 2015, 15:30, Kosova & Bota CNA

Drejtuesit koreano-jugor, kinez dhe japonez lanë mënjanë rivalitetet e tyre historike dhe territoriale për të njoftuar vullnetin për të bashkëpunuar për çështjet tregtare dhe të sigurisë, gjatë një samiti tripalësh.

Presidentja koreano-jugore, Park Geun-Hye dhe kryeministrat japonez dhe kinez, Shinzo Abe dhe Li Keqiang diskutuan përgjatë një ore e gjysmë në Seul, për një sërë çështjesh, tregtinë e lirë, programin bërthamor koreano-verior.

Asnjë marrëveshje nuk u arrit gjatë këtij samiti, zhvillimi i të cilit u konsiderua si shumë simbolik duke marrë parasysh mosmarrëveshjet mes tre vendeve.

?Ne mendojmë se bashkëpunimi tripalësh është vendosur plotësisht me rastin e këtij samiti?, sipas një komunikate të përbashkët.

Ata vendosën gjithashtu për zhvillimin çdo viti të një samiti të tillë tripalësh. Samiti i ardhshëm do të mbahet në vitin 2016 në Japoni.

Kina, Koreja e Jugut dhe Japonia, ekonomitë më të zhvilluara të Azisë Verilindore, kishin parashtruar para shtatë vitesh parimin për një samit vjetor. Por për shkak të tensioneve mes Seulit dhe Tokios, asnjë samit tripalësh nuk u zhvillua që prej vitit 2012.

Ekonomia ishte në qendër të bisedimeve, në një kohë që Pekini, përfshirë nga një ngadalësim ekonomik, dëshiron ti bëjë më dinamike marrëdhëniet tregtare me dy fqinjët.

Komunikata e përbashkët përmend gjithashtu një angazhim në mbështetje të një marrëveshjeje tripalëshe për tregtinë e lirë.

Tre vendet konfirmuan gjithashtu kundërshtimin e tyre për zhvillimin e armëve bërthamore në gadishullin korean.





Lajmet e fundit nga