Skandali i recetave të rimbursuara/ Si e krijoi skemën e mashtrimit "Omega Pharma"

31 Tetor 2015, 21:55, Aktualitet CNA

Skandali i rimbursimeve të ilaçeve ka tronditur kryqytetin këtë mbrëmje ku me urdhër të Prokurorisë së Tiranës, Policia e Tiranës, ka ndaluar administratorin e depos farmaceutike ?Omega Pharma?, shtetasin Nadir Çausholli. Ndër të tjerë, të arrestuar janë edhe drejtues të depos, farmacistë dhe zyrtarë të Fondit të Kujdesit Shëndetësor Rajonal Tiranë. Fillimisht hetimi ka pasur të bëjë me rimbursimin e çmimeve të medikamenteve mjekësore, përsa i përket recetave të ekzekutuara pranë katër subjekteve farmaceutike, të cilët janë Farmacia Lunder, Nutrimed 2012, Berxhite, dhe Adelina.

Përveç këtyre farmacive, hetimi është zgjeruar edhe tek aktiviteti i disa farmacive të tjera, të cilat rezultojnë të kenë përfituar vlera të larta rimbursimi përsa i përket medikamenteve mjekësore, çmimet e të cilave rimbursohen nga shteti.

Sipas ligjit në fuqi, farmacitë rimbursohen vetëm për medikamentet mjekësore, të cilat janë tregtuar nga importuesi/shpërndarësi farmaceutike që ka kontratë me Fondin. Ky lidgj detyron farmacitë si edhe depot importuese dhe ato shpërndarëse, të deklarojnë çdo muaj hyrjet dhe depon, nga e cila kanë blerë medikamentet e bëra hyrje.

Të dhënat e prokurorisë

Sipas dokumenteve të hyrjeve të këtyre farmacive vihet re se një pjesë e madhe e furnizimeve janë bërë nga depoja ?Omega Pharma Group?. Gjithashtu, nga hetimi ka rezultuar se medikamenti mjekësor Ketosteril është një medikament për të cilin të drejtën e importit e ka depoja farmaceutike ?R..F?. Ky medikament jepet për diagnozën ?insuficencë kronike renale?. Por sipas të dhënave të deklaruara nga disa farmaci që operojnë në tregun e Tiranës, vihet re se këto farmaci kanë deklaruar fletë-hyrje të barit Ketosteril me furnitor ?Omega Farma Group? për periudhën qershor 2013 ? maj 2015.

Gjatë kësaj periudhe rezulton e provuar se ?R? F?? nuk ka bërë shitje të Ketosterilit tek ?Omega Pharma Group? dhe se ky sybjekt nuk ka pasur blerje të këtij produkti. Nga kqyrja e faturave tatimore të sekuestruara pranë ?Omega Pharma Group? vihet re se në këto fatura janë identifikuar disa fatura ?Cash? me shitje minus. Në këto fatura bëhet fjalë për medikamente të ndryshme, duke përmendur këtu edhe medikamentet Ketosteril dhe Insulina. Emri i subjektit nga i cili është marrë malli nuk është i identifikuar.

Sipas Prokurisë ekziston dyshimi se depoja ?Omega Pharma Group? ka krijuar fatura tatimore fiktive. Ky subjekt ka furnizuar farmacitë me fatura shitje fiktive pa pasur blerje. Më pas farmacitë kanë ekzekutuar receta fiktive dhe i kanë kërkuar Fondit rimbursim për këto receta. Prokuroria ka deklaruar se ekziston dyshimi në prova se personi nën hetim Nadir Çausholli ka kryer veprën penale të ?Falsifikimit të dokumentave? në bashkëpunim dhe ?Mashtrimit? në bashkëpunim, parashikuar nga neni 186/2 dhe 143/2 i K.Penal. Në vijim të hetimit, ka rezultuar se veprimtaria e dyshimtë e shtetasit Çausholli është mbështetur edhe nga shtetasit Fisnik Kollcaku drejtues teknik i ?Omega Pharma Group gjatë vitit 2014; Valbona Kraja shefe e Financës pranë ?Omega Pharma Group?; si edhe Arjola Pipera punonjëse financiere pranë ?Omega Pharma Group?. Po ashtu, nga hetimi i Prokurorisë së Tiranës ka rezultuar se disa farmaci kanë ekzekutuar receta fiktive të marra nga ?Omega Pharma? dhe më pas i kanë paraqitur këto receta pranë Fondit të Kujdesit Shëndetësor, me qëllim rimbursimi.

Kjo ka qenë edhe arsyeja që Prokuroria e Tiranës ka nxjerrë urdhëra ndalimi për shtetasit: Ela Malaj drejtuese teknike e farmacisë ?Alice?; Mariela Përnoci, Arbi Teqja dhe Arbër Thereska përkatësisht administror dhe drejtues teknikë të farmacisë ?Express?; Erind Hajdari drejtuese teknike e farmacisë ?Farmacia nr.6 ?; Ornela Plepi administratore dhe drejtuese teknike e farmacisë ?Katroshi

Këto receta fiktive kanë dalë prej magazines së Drejtorisë Rajonale të Fondit. Shtetasja Violeta Bejko, në cilësinë e magazinieres së këtij institucioni, nuk ka administruar në mënyrën e duhur lëvizjen e materialeve të bëra hyrje në magazinë. Po ashtu, ka rezultuar se për çdo muaj, në Fondin Rajonal bëhet akt-rakordimi i recetave. Shtetasja E. P. ka pasur detyren e shefes së Sektorit të Informatikës-Statistikës. Kjo shtetase ka deklaruar se dosjet e këtyre farmacive, ajo nuk i ka firmosur. Nga hetimi ka rezultuar se shtetasi Tasim Toci ka nënshkruar për ?Sektorin e Inf.Statistikës? pa pasur asnjë tagër për të kryer këtë veprim.