E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Basha: Shqiptarët po jetojnë ditë depresioni

28 Tetor 2015, 15:15, Aktualitet CNA

Kreu i PD-së, Lulzim Basha ka bërë një shenim në lidhje me gjendjen që po jetojnë shqiptarët këto kohë.

Sipas tij, vendi po kalon ditë depresioni për shkak të keq qeverisjes.

Shkrimi i plotë:

?Shqiptarët po jetojnë ditë për ditë depresionin ekonomik dhe psikologjik, që është produkti i vetëm i qeverisjes së Edi Ramës dhe Ilir Metës. Këtë po e prekim dhe shohim kudo, nga jugu në veri, me demokratë e socialistë e njerëz pa flamuj partiake. Këtë e pashe dhe sot në Fier.

Ndërkohë që Edi Rama është në luks të shfrenuar në hotelet më të shtrenjta të Hong-Kongut, Banka Botërore deklaron se Shqipëria ka rënë në pikatë për sa i përket klimës së biznesit, prej korrupsionit, politikës arbitrare me energjinë, me biznesin, me taksat.

Vetëm në 10 muajt e fundit oligarkët dhe mafia qeveritare e lidhur me të kanë bërë 100 milionë dollarë pasuri vetëm prej Albpetrolit. 100 milionë dollarë taksa që nuk janë paguar, 30 milion TVSH e papaguar vetem nga rafineria.

Prandaj koha ka ardhur të gjejmë së bashku rrugët e daljes nga kjo situate. Premtimi im dhe vendimi i parë i qeverisë së re të demokratëve, do të jetë ulja më e madhe e taksave që ka përjetuar ndonjëherë ky vend.

Do te ulim tatimin mbi fitimin në 9%. Do te rrisim nivelin e biznesit të vogël deri në 12 milionë lekë. Deri në 2 milionë lekë, biznesi i vogël do të paguajë vetëm 10 mijë leke në vit. Për xhiro deri në 12 milionë lekë taksa maksimale nuk do të kalojë 60 mijë lek në vit. Kjo taksë do të paguhet dhe do të verifikohet përmes pullës fiskale të vendosur në një nga xhamat e biznesit dhe kjo pullë fiskale, do të jetë tabela e ndalim ?kalimit për bandat e tatimorëve dhe për inspektoriatët që po i marrin shpirtin biznesit.

Ulja e taksave do të riktheje ne xhepat e shqiptareve mbi 650 milionë euro, para që sot zhduken në kontot e qeverise se korruptuar te Edi Rames.

Ne do të ulim çmimin e energjisë, duke e ulur me 15% TVSH-në per biznesin dhe me 19% TVSH-në për të gjithë konsumatorët. Dhe falje pa kushte te te gjithe kamatvonesave. Ne do të ulim çmimin e naftës, duke hequr taksen Rama prej 240 lekë për liter?, përfundon Basha.