web counter
LEXO PA REKLAMA!

SHKARKO APP

App Store
Google Play

E fundit!

x

Agjentë kroatë në Tiranë për krimet e pazbuluara dhe korrupsionin

16 Tetor 2015, 12:55, Aktualitet CNA

Kroacia, së cilës ju hapën dyert e BE pas arrestimit të kryeministrit Santander dhe të ish-elitës politike, do të asistojë Shqipërinë në luftën kundër korrupsionit dhe krimit të organizuar, si dhe për zbardhjen e krimeve të pazbuluara. Në Parlament ka shkuar për miratim një marrëveshje mes dy shteteve, e cila u hap rrugën agjentëve kroatë të kamufluar dhe me emra të shumëfishtë për të zbarkuar në Tiranë, me qëllim zbulimin e krimeve të rënda, luftimin e terrorizmit, etj.

Në marrëveshjen e bashkëpunimit policor mes dy vendeve, janë përcaktuar dhe rregullat dhe kriteret mbi operimin e agjentëve sekretë, apo transmetimin e informacioneve të grumbulluara prej tyre. ?Palët mund, me anë të një kërkese të paraqitur paraprakisht, t?i japin njëra-tjetrës ndihmë në kryerjen e hetimeve duke përdorur zyrtarë si agjentë të policisë nën mbulim ose me identitet të ndryshuar (agjentë nën mbulim) apo informatorë të besuar, nëse ekziston dyshimi që një vepër penale është kryer, për të cilën lejohen veprime të agjentëve të policisë nën mbulim ose informatorë të infiltruar?, thuhet në nenin 8 të marrëveshjes.

Në të përcaktohet gjithashtu se të gjitha veprimet do të ndërmerren në bazë të legjislacionit vendas. Me marrëveshjen e re mes Kroacisë dhe Shqipërisë, agjentët kroatë mund edhe të punësohen në vendin tonë. ?Me kërkesë të palës kontraktuese kërkuese, një agjent i policisë nën mbulim i palës kontraktuese mund të punësohet në territorin shtetëror të palës kontraktuese të kërkuar?, thuhet në marrëveshje. Më tej theksohet se pala kontraktuese duhet që të mundësojë mbështetjen me staf, logjistikë dhe ndihmë teknike. Një tjetër element që theksohet është se shteti ku vendosen agjentët duhet të garantojë sigurinë e tyre.

 





Lajmet e fundit nga