web counter
LEXO PA REKLAMA!

SHKARKO APP

App Store
Google Play

E fundit!

x

Tensioni në mazhorancë vazhdon/Braho, Vasili dhe Shalsi rrëzojnë Gramoz Ruçin

16 Tetor 2015, 12:07, Aktualitet CNA

Tension dhe surpriza në fund të seancës plenare. Projektligj ?për një shtesë në ligjin nr. 152/2013 “për nëpunësin civil”, ka përplasur Gramoz Ruçin me Spartak Brahon, Petrit Vasilin dhe Eduard Shalsin. Në fillim debati nisi mes Ruçit dhe Shalsit, por në lojë kanë hyrë me shpejtësi kryetari i grupit parlamentar të LSI, Petrit Vasili dhe kryetari i Komisionit të Sigurisë Kombëtare, Spartak Braho.   Kryetari i grupit parlamentar socialist, Gramoz Ruçi, propozoi rrëzimin e këtij projektligji, duke iu referuar një propozimi të Komisionit të Ligjeve. ?Ka nevojë për një shumicë të cilësuar. Por, edhe sikur të kishim 3/5 e votave, ne do të votonim kundra, pasi Komisioni i Ligjeve nuk ka qenë dakord për këtë çështje.

Komisioni i Ligjeve ka konkluduar për miratimin e një ligji të plotë organik për të zgjidhur të gjitha problemet që kanë institucionet e pavaruara kushtetuese. Byroja e Kuvendit të ngrejë një grup pune dhe të merret me propozimin e Komisionit të Ligjeve. Ka shumë probleme. Komisioni nuk ka miratuar nismën, propozoj që të hedhim në votim propozimin e Komisionit të Ligjeve?, ka deklaruar Gramoz Ruçi. Ndërkaq, Ruçi është kundërshtuar nga Eduard Shalsi. Ky i fundit këmbënguli që ligji të mos rrëzohej, por të shtyhej, pasi ishte i rëndësishëm.

Në mbështetje të Shalsit ka dalë edhe Petrit Vasili. ?Unë them që ta shtyjmë. Mos të hyjmë në interpretime. Them ta shtyjmë dhe të veprojmë më me qetësi një ditë tjetër?, tha Vasili. Megjithatë, Ruçi këmbënguli në propozimin e tij. ?Komisioni i Ligjeve ka bërë një rekomandim. Cilin do të hidhni ju në votim? Unë them të hedhim rekomandimin e Komisionit të Ligjeve, për të rrëzuar ligjin?, ka pohuar Ruçi. Ndërkaq, ka ardhur edhe reagimi i Spartak Brahos. ?Jemi para dy kërkesave krejtësisht me njëra-tjetrën. Një kërkesë të Komisionit të Ligjeve për ta shtyrë. Ka edhe një kërkesë procedurale, që nuk ka kuorum. Në këtë rast prevalon kërkesa procedurale?, tha Spartak Braho.





Lajmet e fundit nga