Fiks Fare/ Skema e rryshfetit të pedagogut në Universitetin e Shkodrës

14 Tetor 2015, 19:41, Aktualitet CNA

Emisioni investigativ Fiks Fare ka vijuar mbrëmjen e sotme publikimin e skandalit në Universitetin e Shkodrës, ku pedagogu Fran Qafa merrte rryshfete në këmbim të kalimit në provime. Pedagogu në fjalë kishte ‘tarifën’ e rryshfetit 500 Euro për dy provime.

Fiks Fare ka ndjekur hap pas hapi skandalin, ku fillimisht studenti përfundon provimin në Universitetin e Shkodrës.

Menjëherë pas përfundimit të provimit me shkrim, ende pa dalë nga salla e provimit, studenti e pyet profesorin se kur duhet të bëjë pagesën

Pedagogu i tregon se duhet të lidhet me mikun e tij sekser, me të cilin studenti ka rënë dakord që do të paguante 500 euro për dy provimet.

Kësti i parë i parave, 50 mijë lekë të reja është paguar në automjetin e sekserit menjëherë pas provimit.

Edhe përse studenti i Drejtësisë në Shkodër pagoi 50 mijë lekë për të marrë dy provimet, pedagogu Fran Qafa nuk e kishte dorëzuar listën e notave të provimit në sekretari.

Fiks fare vazhdoi investigimin. Fillimisht studenti takon një nga kamerierët e lokalit, ku pedagogu Qafa qëndronte zakonisht.

Në bisedën që studenti ka zhvilluar me kamarierin, ka mësuar se pak minuta më pare pedagogu Fran Qafa i kishte marrë një studenti tjetër 500 euro.

Ndërkohë që një tjetër person kishte marrë përsipër ndërhyrjen tek pedagogu Fran Qafa, shprehet se për dhënien e një provimi pedagogu i Universitetit të Drejtësisë Fran Qafa I kishte kërkuar 200 euro, për notën kaluese. Madje i thotë studentit se shumën prej 500 eurosh për dy provimet profesori Qafa ia ka kërkuar në këmbim të notës 8.

Për të parë nëse pedagogu Qafa kishte nxjerre rezultatet e provimeve studenti takoi sekretaren e Unversitetit ?Luigj Gurakuqi? në Shkodër e cila i thotë së ?pedagogu nuk i ka çuar në sekretari rezultatet e provimeve?. Sekretarja e universitetit e pyet, nëse ka mbaruar punë me pedagogun, nëse ja ka dhëne lekët apo jo. Sekretarja e universitetit pasi mëson se pedagogu i kishte kërkuar 70 mijë lekë të reja, shprehet e habitur.

Studenti pasi bindet se pedagogu nuk do i jepte notën kaluese për të dyja provimet pa i dhënë edhe 20 mijë lekshin, ai shkon ta takojë pedagogun në prezencë të një kolegu të tij edhe ai pedagog, për t?i dhënë pjesën tjetër të parave.

Në lokal pedagogu Fran Qafa i kërkon studentit që të shkruante në letër se çfarë problemi kishte. Ndërsa lexon tekstin që sipas studentit ? 50 mijë lekë ja kishte dhëne sekserit dhe sipas pazarit duhej të paguante edhe 20 mijë lekë të tjera për të marrë dy provimet?. Pedagogu i jep një letër dhe e orienton studentin që të futet në tualet dhe të fusë brenda letrës paratë dhe t?ia sillte letrën e mbështjellë e të palosur mirë.

Por edhe këtë radhë studenti nuk mundi të mësonte një përgjigje ekzakte nëse kishte dalë nota e provimit apo jo. Pas një muaji studenti së bashku me gazetarët e Fiks fare shkon sërish tek Universiteti ? Lugj Gurakuqi?, për të pyetur nëse kishin dalë notat e provimit apo jo. Pasi ka mësuar faktin që pedagogu Qafa nuk kishtë dërguar sërish notën studenti vendos ta takojë pedagogun e tij në Fushë Arrëz,vendbanimin e tij.

Takimi zhvillohet në një lokal ne qendër të Fushë Arrëzit. Pas takimit me pedagogun Qafa, ai i tregon se në dy provimet për të cilat kishte paguar 70 000 lekët kishte marre që të dy notat 8 ? ta. Më pas sërish studenti është rikthyer në Universitetin ? Luigj Gurakuqi, pas disa ditësh ku edhe ka mësuar nga sekretarja se nga 4 që kishte provimet pedagogu i kishte vendosur dy 8-a në secilën lëndë.