web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Beqja firmos tenderat, Rama bën pazaret

14 Tetor 2015, 19:17, Aktualitet CNA

Ish-Kryeministri Sali Berisha është shprehur lidhur me skandalin e publikuar nga Partia Demokratike, ku kompania e supozuar e Ministrit të Shëndetësisë, Ilir Beqja,  ka përfituar nga tenderat shtetërorë.

Përmes një postimi në rrjetin social Facebook, Berisha shkruan se në fakt Beqja është ai që thjesht firmos dokumentat abusive, pasi është vetë Kryeministri Rama ai  që bën pazaret me këto tendera.

Qëndrimi i plotë i Ish-Kryeministrit Sali Berisha

Kur te mbaroje ujte e detit ju mbarojne ketyre parate e shtetit!

Ministrit Beqja qe ndan parate me Ramen, ne dy vjet i behet ngjala Peshkaqen!

Te dashur miq, prej dy ditesh mediat kane njoftuar skandalin apo aferen e radhes te njeriut qe i ka ne hajni duart me te gjate se trupin dhe qe ndane parate e vjedhura me Edi Ramen, Ilir Beqja. Sipas dokumentave origjinale, kompania e Beqes, Intech + shpk qe ai gjoja ia shiti dy vjet me pare nje fare Sinani per 125 mije euro, ka fituar ne keto dy vjet 29 tendera publike ne fushen dixhitale me nje shume prej 13 milone euro.

Keshtu, Ilir Beqja ka vjedhur me tenderin e kontrollit shendetesor se bashku me Ramen ne bashkepunim me Vilma Nushin, kryendrikullen e korrupsionit, 60 milione euro. Ai akuzohet me dokumenta se ka vjedhur edhe mbi 100 milione euro te tjera ne tendera te ilaceve, sterilizimeve, egazaminimeve, dializave. Tani del se Beqes, kompania e tij personale qe ja vari ne qafe Sinanit, ne vetem dy vjet eshte shnderruar nga ngjale e vogel ne peshkaqen te madh!

Beqja, njerezve te tij me te afert, qe te trembur nga vjedhjet e tij te medha dhe diten per diell ju thote se ai cdo gje e ben me urdher te Rames, duke lene te kuptohet qe eshte Rama ai qe ben pazaret kurse ai vet vetem sa vendos firmen.

Ne kete rastin e fundit po ju rikujtoj te dashur miq se kompania Intech + shpk, pikerisht kompania qe ne bashkepunim me kompanine e Frankos, baxhanakut te Edi Rames kishte abuzuar me tenderat e bashkive te Tiranes dhe Durresit (Rames dhe Gjushit) per te cilat Beqes ju hoq mandati deputetit.





Lajmet e fundit nga