E fundit!

13:54 Aktualitet

Debati për zonat e mbrojtura/ Rasti "Ria Formosa" dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

PD, Kopliku: Tahiri duhet të largohet është i inkriminuar

14 Tetor 2015, 11:23, Aktualitet CNA

Partia Demokratike ka dalë në një tjetër deklaratë për media ditën e sotme.

Deputetja, Irma Kopliku ka akuzuar ministrin e Brendshëm, Saimir Tahiri për lidhjet e tij me krimin.

Sipas saj, Tahiri duhet të largohet nga detyra.

Deklarata e plotë:

?Saimir Tahiri, ministri i brendshëm me akuzat më të rënda në 25 vite, këmbëngul të qendrojë në detyrë, edhe pse është provuar me fakte e me dëshmi lidhja e tij me trafikun e drogës e me bandat kriminale.

Largimi i Saimir Tahirit nuk është vetëm një kërkesë e Partisë Demokratike, bazuar në faktet e bëra publike për bashkëpunimin e tij me habilajt, për linjën e paprekshme të trafikut të drogës që Tahiri ka krijuar duke i vënë në shërbim bandës që nga makina e tij private e deri tek pikat kyçe të Policisë.

Largimi i tij është kërkesë e çdo qytetari sot, e mbarë shqiptarëve, që smund të pranojnë të kenë ministër të brendshëm një person që nxit krimin, nxit trafikun e drogës. Një ministër që ndan makinën e tij private, taksinë e drogës AA003GB,me grupin që vëzhgohej nga policia për trafik. Një ministër që fsheh pasurinë, por burgos deri tek berberët që nuk kanë një kupon tatimor. Një ministër që bandës së tij i ka vënë në dispozicion shefin e kufirit të Dhërmiut, pikërisht të zonës ku magazinohen e transportohen nragkesat e narkotikëve.

Një person si Tahiri, me të cilin Shqipëria është mbuluar nga droga, dhe këtë e shohin vetë qytetarët por e konfirmon anti-mafia italiane, shtypi i vendit fqinj që i ka bërë jehonë trafikut në rritje dhe lidhjeve të Ministrit të Brendshëm me grupet kriminale.

Këmbëngulja e Tahirit për të qendruar në detyrë, është këmbëngulja për të mbajtur në këmbë biznesin e drogës, kanalet e transportit që kontrollohen prej tij dhe kushërinjve të tij, një skemë mafioze kriminale që po rrënon vendin por që po sjell miliona euro fitime për bandat dhe Saimirin.

Kjo shpjegon edhe krenarinë e Edi Ramës për ministrin më të akuzuar në historinë e vendit.

Eshtë krenari për fitimet marramendëse që po sjell për ta biznesi i drogës, që kontrollohet nga ministri i tij.

Por Tahiri nuk mund të vazhdojë detyrën kundër interesit të qytetarëve, kundër interesit të vendit.

Duhet të largohet, të dalë para drejtësisë e të hetohet, ose revolta popullore do ta nxjerrë nga zyra?, përfundon Tahiri.