E fundit!

09:57 Aktualitet

IKMT me dorë të hekurt/ Gjobit kompaninë Gjikuria për ndotje në Palasë

Inspektorati Kombëtar i Mbrojtjes së Territorit (IKMT) ka ...

Berisha në Gjenevë, merr pjesë në Forumin e Crans Montanës

14 Tetor 2015, 21:14, Aktualitet CNA

Ish-Kryeministri Sali Berisha nuk do të jetë i pranishëm në seancën parlamentare të së enjtes, pasi do të marrë pjesë në Forumin e Crans Montanës në Zvicër. Përmes një postimi në rrjetin social Facebook, Berisha ka njoftuar se është nisur sot drejt Gjenevës për të marrë pjesë në Samitin e 17-të Ndërkombëtar mbi Krimin Transnacional dhe Sigurinë e Brendëshme dhe Globale.

Postimi i ish-Kryeministrit Sali Berisha në Facebook:

Te dashur miq, u nisa sot për në Gjenevë te Zvicrës për të marrë pjesë në Forumin e Crans Montanës në kuadër të Samitit të 17-të Ndërkombëtar mbi Krimin Transnacional dhe Sigurinë e Brendëshme dhe Globale.

Ky Samit, që zhvillohet nga 14-16 tetor, do të fokusojë në lidhje me krizat botërore dhe rajonale të sigurisë dhe ndikimin e tyre mbi ekonominë dhe biznesin ndërkombëtar. Në fokus do të jenë mundësia për të ulur ndikimin e rreziqeve të sigurisë globale nëpërmjet bashkëpunimit rajonal dhe parandalimit të krizave, ndikimi i marrëdhënieve BE – Rusi mbi sektorin e transportit dhe energjisë dhe mbrojtja e rrugëve ndërkombëtare të furnizimit me energji, si dhe roli i korrupsionit, pastrimit të parave dhe krimit ekonomik në vendet e Lindjes së Mesme në lidhje me terrorin dhe organizatat terroriste.

Nje fokus i veccantë i dedikohet kërcënimeve që sjell migracioni masiv në Mesdhe, panel në të cilin do të mbajë një fjalë edhe unë.

Në këtë panel do të trajtohet nevoja për të shqyrtuar dhe adresuar rrënjët reale të kësaj krize humanitare, kthimin e Ballkanit në një rrugë të këtij migracioni si dhe nevojën për luftuar trafiqet e qenieve njerëzore. Gjithashtu do të trajtohet shqetësimi nëse Europa është në gjendje ta përballëojë këtë krizë përballë një mosqeverisje të qartë ne Afrikë dhe Lindjen e Mesme.

Në Samit marrin pjesë kryetarë shtetesh, ministran, drejtues institucionesh ndërkombëtare dhe shtetesh të ndryshme si dhe ekspertë sigurie, diplomatë dhe ekonomistë të njohur.