E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Çarja e LSI/Deputetët tradhëtojnë Metën

2 Tetor 2015, 10:07, Aktualitet CNA

Çarja e LSI apo një përplasje e fortë brenda vetë strukturave të kësaj partie po faktohet çdo ditë dhe më shumë. Deputetë të kësaj force vazhdojnë kontaktet dhe negociatat me drejtues të lartë socialistë. Gjovalin Kadeli apo Luan Rama janë njerzit që duken me të qejf mbetur nga Ilir Meta, i cili në këtë situatë të vështirë po mbështetet vetëm nga Ylli Manjani dhe Spartak Braho.

Luan Rama duket i tërhequr dhe shpesh është shprehur mjaft i rezervuar për kontributin e tij dhe mungesën e shpërblimit politik nga Meta. Rama nuk duket në publik në mbështetje të Metës, po ndërkohë ai reflekton edhe pakënaqësi që e cojnë drejt vendimeve personale politike, duke ndërtuar një grup ?Anti-Meta? në LSI, ose më qartë që kërkon të ketë në kontrroll një pjesë të votive faktorizuese për qeverinë.

Ndërkohë, Petrit Vasili mëgjithëse i heshtur vazhdon të jetë një nga shtyllat pranë Ilir Metës, në krye të Grupit Parlamentar ai nuk po i kontrrollon më deputetët e LSI-së që më shumë se politikanë dhe idealistë, janë ?Çetë? e ndërtuar nga pazare politike apo klientrelizëm i pastër. Pa haruar edhe mandate të blera ku kanë mundur.

Gjovalin Kadeli duket se është më pranë PS-së dhe Ramës sesa Metës. Kadeli iku nga PS-ja në prag të zgjedhjeve të vitit 2013, pasi nuk kishte një vend të sigurt në listën e deputetëve nga PS-ja. Ai u bashkua me qeverinë Berisha dhe ky i fundit i dha mandat të sigurt në Qarkun LEzhë. Kadeli menjëherë sapo filloi sezoni i ri parlamentar deklaroi se ai kishte një marëveshje me Sali Berishën si kryetar i PD-së, tashmë ai ishte larguar dhe Kadeli po e braktiste grupimin opozitar dhe kalonte tek LSI-ja. Por, më shumë sesa afër Metës ai duket me Ramën dhe grupin e PS. Kadeli ka deklaruar votë pro qeverisë në cdo moment se bashku me disa deputetë të tjerë që e shohin veten të rezikuar në rast zgjedhjesh të parakohëshme.

Ilir Meta tashmë ska problem vetëm akuzat për korrupsion dhe afera, ai ndodhet përballë përplasjeve në LSI që po e dërmojnë njësoj si kundërshtarët politikë./citynews.al