E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Meta sulmon gazetaren e BIRN, ajo i përgjigjet duke i kujtuar ditlindjen faraonike

2 Tetor 2015, 09:37, Aktualitet CNA

Në seancën e parlamentit të së enjtes. duke dhënë shpjegime për historinë e tij me kompaninë DIA të Kastriot Ismailajt, Meta ka atakuar edhe gazetaren e agjensisë BIRN, e cila nxori për herë të parë emrin e tij në një ivestigim ku pretendohet se ai ka lobuar në mënyrë që kompania DIA të mbledhë borxhet e pashlyera të CEZ. Pikërisht në këtë shkrim pretendohej se Ilir Meta ishte “ish kryeministri i akuzuar për korrupsion” i cili kishte marrë ryshfet nga DIA. Por dje kryeparlamentari është kundërpërgjigjur nga tribuna e kuvendit me një gjuhë të denjë për politikanët shqiptarë. Ai e ka akuzuar autoren e shkrimit Lindita Cela se e ka bërë atë për përfitime personale: “Pas përmendjes së emrit tim në mënyrë të manipuluar nga gazetarja e papërgjegjshme e BIRN-it për shërbimet e saj për të përmirësuar jetesën e saj, kompania Cliford ka bërë sqarimin e saj. Nuk e ka përmendur emrin e z. Meta në asnjë afere dhe praktikë korruptive për çështjen e DIA-s?, deklaroi Meta në sallën e Kuvendit.

Por menjëherë pas kësaj ka reaguar edhe gazetarja Lindita Cela me një koment të saj në facebook. Ajo së pari ka vënë në lojë shprehjen e Metës se e ka bërë këtë për “për të përmirësuar jetën e saj” dhje më pas ka ironizuar Ilir metën për ditlindjen e tij faraonike të një viti më parë që i ngjiti atij dhe etiketimin “Sheiku i Skraparit”. Ja reagimi i plotë i Lindita Celës:

“Mua më pëlqen ta pi shampanjën dhe kur jam me miq e prish dietën. Rosto me kumbulla, mishi i gicit i pjekur në furrë me vaj ulliri dhe i shuar me verë, është darka ime. Në dhomën e pritjes, kam një oxhak me dru dhe aty piqet pastërma pa fund dhe pihet raki.

Në menu e dimrit, nuk mungon supa e kungullit, sallata, mishi që e bëj rosto, jo vetëm me zarzavate në furrë por edhe me kumbulla e fara pishe. Mund të bëj gjel deti me përshesh me arra ne mes dhe nenexhik gjatë periudhës së vitit.

Ndërsa për festa, ngre një tendë gjigante Të ftuarit i gostitën me antipasta, nga të gjitha llojet e djathërave. Pjata e dytë, kadaif me pana dhe karkaleca deti. Sigurisht që nuk mungon vera e llojit Deschants e një puro kubaneze të llojit ?Cooiba?.

Pas gjithe kesaj, ulem e bej nje shkrim…..” / lapsi.al