web counter
LEXO PA REKLAMA!

SHKARKO APP

App Store
Google Play

E fundit!

x

Katalunja, fitojnë forcat pro pavarësisë

28 Shtator 2015, 12:32, Kosova & Bota CNA

Ashtu siç parashikuan edhe sondazhet, partitë pro pavarësisë nga Spanja fituan maxhorancën absolute në zgjedhjet rajonale në Katalunja.

Aleanca e forcave pro shkëputjes, bashkë me një parti tjetër të ekstremit të djathtë, që ka të njëjtin qëndrim me to sa i përket shkëputjes apo jo nga Spanja, morën 72 nga 135 vendet e Parlamentit rajonal.

Megjithë shumicën absolute të siguruar në Parlament, nacionalistët në tërësi nuk mundën të tejkalojnë 50 përqind të votave të elektoratit. 1.9 milionë vota shkuan për ta nga 4 milionë votues në total.

Por kjo nuk pengon udhëheqësit e këtyre partive që të këmbëngulin se fitorja e vendeve në Parlament u jep një mandat të qartë për të formuar një shtet të pavarur katalanas.

Lëvizjet pro pavarësisë në Katalunja janë përshkallëzuar vitet e fundit, sidomos pas krizës financiare që goditi Spanjën. Katalunja është rajoni më i pasur i vendit dhe rrymat pro shkëputjes janë nxitur më shumë edhe nga rritja e taksave dhe një sërë reformash shtrënguese financiare.

Megjithatë, Madridi zyrtar ka deklaruar se do të kundërshtojë në Gjykatën Supreme të vendit çdo lëvizje të njëanshme për shkëputje nga ana e Katalunjës.

Aleanca ?Junts per Si? (Bashkë për Po) mori 62 mandate në zgjedhje, ndërsa ekstremistët e djathtë të CUP siguruan 10 mandate.

?Ne fituam?, deklaroi presidenti i rajonit dhe njëri prej mbështetësve më të fortë pro pavarësisë, Arturo Mas para mbështetësve në orët e vona të së dielës.

Pas festimeve për fitoren, udhëheqësit e koalicionit fitues deklaruan se do të vazhdojnë përpara me planin për të formuar një shtet të pavarur katalanas. /TCH





Lajmet e fundit nga