HABERET E MITROS/LEPURI "FSHIHET" NË IMPORT

1 Shtator 2015, 18:38, Ekonomi CNA

Nga Mitro Cela

Edhe pse Rama, përpiqet ta bëjë ?trarin qime?, kontrabanda dhe ?ekonomia e zezë?, kullosin ?pjesën e luanit? në dogana dhe tatime. Mungojnë rreth 160 milionë dollarë. Nuk janë pak për një buxhet që është ektori më i madh për të ?ushqyer? ekonominë me para; për një buxhet që ka marrë firmën dhe vulën e FMN-së. Në se brenda vitit nuk ?bëhet deti kos? për të realizuar të ardhurat e buxhetit, ?hastalavista? kësti i FMN-së për 140 milionë euro.
Po halli? Qeveria u mblodh. U nevrikos. Mallkoi. Analizoi. Në përfundim vendosi. Dy rrugë burokratike dhe një revolucionare.
Së pari, uli planin e të ardhurave buxhetore. Vërë në ujë. Duke korregjuar planin, ?ekonomia e zezë? e vë festen mbi sy, sepse nuk i futet në këmbë asnjë majë gjëlpëre.
Së dyti, mori ?gërshërën? dhe krasiti rëndë shpenzimet në transport, shëndetësi, arsim. Gërshëra preu më shumë investime. Shpenzimet buxhetore janë si puna e gjakut në trupin e njeriut. Sa ma pak para, aq më pak vende pune. Duke pakësuar paratë në qarkullim, tkurret më shumë konsumi i mallrave. Pastaj vjen derivati: më pak prodhim. Më pak import. Dhe më tej: më pak të ardhura nga dogana dhe tatimet. ( Import + prodhim vendi.) Nuk besoj se ekspertët e FMN-së, janë aqë naivë që ta hanë ?sapunin për djathë?, dmth që duke koregjuar buxhetin qeveria, të hapin thesin e parave për të paguar këstin?!
Së treti, më 1 shtator nisi aksioni kundër evazionit fiskal. Aksioni, me pak retushime është rrugë revolucionare. Në aksion marrin pjesë policë, nënpunës, deputetë. I zoti i punës, taksidari, mbetet si në hije, sepse aksionin e drejtojnë udhëheqësit e lartët të PS: Gramoz Ruçi, Taulant Balla dhe vetë ministri i Jashtëm, Bushati. Përmënda vetëm tre nga udhëheqësit, që problemet fiskale i ?përtypin? vetëm si përralla me mbret.
Por pa i hyrë në hak qeverisë, aksioni edhe pse revolucionar, ka rëndësinë e tij. Do shkunden taksidarët, doganierët dhe bisneset. Edhe qytetarët nuk do përtojnë të “zgjatin dorën? për të marrë kuponat.
Por unë mendoj, se qeveria nuk e njeh peisazhin e të ardhurave të buxhetit. Po të bësh një arithmetikë të thjeshtë, del se 75 përqind e të ardhurave të buxhetit vinë nga importi. Kusuri ?korret? nga ekonomija e vendit. Kjo do të thotë se buxheti varet nga ?kapriçot? dhe kontrabanda në import.
Ideja ime. Qeveria pa harruar aksionin, në radhë të parë sytë dhe mendjen duhet ta ketë tek doganata. Jam dakort me analizën e kryeministrit Rama qe deficitin që erdhi në dogana nga rënia e çmimit të naftës në bursë dhe ulja e importit të energjisë elektrike. Por është ?shaka? për të qeshur kontrabandistët, kur thotë se është pakësuar importi i duhanit, sepse shqitarët, pinë më pak cigare, sepse qeveria ua ka bërë ?rrup-sup? me ligjin antiduhan.
Kohë më parë është bërë një studim. Çdo vit shqiptarët tymosin rreth 6 mijë ton cingare. Për pesë – gjashtë vitet e fundit janë çdoganuar rreth 4 mijë tonë. Me plus minus. Vetëm këtë 7 mujor kontrabanda ka “pirë” rreth 1000 tonë cigare…Kjo tablo, pak a shumë edhe për naftën, kafen, pijet. Mallrat e forta, de, që mbushin “thesin” e buxhetit.