E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu, i renditur me 84 pikë në garën për drejtoritë...

HABERET E MITROS /PSE MUNGOI FIRMA E FMN?!

25 Gusht 2015, 17:14, Ekonomi CNA

Nga Mitro Çela

Vapa e gushtit i dha më shumë “zjarrllëk” dilemës: Kemi apo nuk kemi deficit në dogana dhe tatime? Basha permendi shifrën 136 milionë dollarë. Berisha e ngriti stekën në 150 milionë dollarë. Shpëtim Idrizi e uli në 132 milionë dollarë. Petrit Vasili i luhatur. Meta foli me metafora:” Sistem fiskal i lodhur”.
Unë si peshku pa ujë. Më mungonte fjala e të zotit të shtëpisë. Por më 21 gusht, kryeministri bisedon shtruar me Muhamet Veliu . Rrëmbeva bllokun- huq i vjetër. Ai llafos. Unë zhgrap. U mbush blloku i parë. Kur po soste blloku i dytë, ikën drita…Zakon i ri…Po halli? Nisa të ripërtyp idetë.
Gazetari:-Janë 150 milionë dollarë që i mungojnë buxhetit. Kush do e veshi qyrkun e përgjegjësisë?!
Rama:-Djalli nuk është aqë i “zi” sa thonë. Kemi bërë një analizë. Me Havardin dhe FMN. Na ka dalë një analizë ndryshe. As ka para të humbura. Nuk ka as para të vjedhura. Siç llafos anapulla opozita. Bëhet fjalë për siptoma të ndryshimit të modelit ekonomik. Ta nisim me energjinë. U importua më pak, sepse u vu në vijë korenti në vend. Mirë për ekonominë, keq për buxhetin. Më tje. Ka rënë çmimi i naftës? Ka rënë. Ulet çmimi në bursë, ulen edhe të ardhurat nga dogana. Kemi normat e interesit. U ulën. Fiton ekonomija. Humbet dogana. Rekord ne import makinerish. Pse? Hoqëm TVSH. E mirë për vendin. Keq për doganat…Po cingaret? Më pak import. Po harrohet se cigaret i kemi vënë në “grykë të topit”. Morali:Do ishte keq në se do kishim rënie të GDP. Por jo. E planifikum me FMN- 2,7 përqind. U realizua 2.8 përqind.
Rrallë më ka ndodhur të bindem me herën e parë. I dhashë të drejtë kryeministrit. Shava opozitën që e bën qimen tra…I qetë më zuri gjumi. Qingj. U zgjova esëll. Më folli shejtani në rrëzë të veshit:
– Sipa Ramës. FMN-ja është e bindur se qeveria është pa faj. Nuk ka kontrabandë. Nuk ka evazion fiskal. Del pyetja: Pse nuk e firmosi marveshjen për të paguar këstin për 140 milionë dollarë?