web counter
LEXO PA REKLAMA!

SHKARKO APP

App Store
Google Play

E fundit!

x

Grafikët krahasues: Ja taksat ku Shqipëria ka më shumë informalitet në raport me rajonin

19 Gusht 2015, 16:44, Ekonomi CNA

Në vigjilje të një aksioni antiinformalitet që ka nisur të japë rezultatet ende pa filluar, ku mijëra biznese të vogla janë dyndur për regjistrim në QKR,në një krahasim rajonal Shqipëria është deficitare më së shumti në grumbullimin e Kontributeve të Sigurimeve Shoqërore, në Tatimin mbi Vlerën e Shtuar, në Akcizë dhe në Tatimin mbi të Ardhurat Personale.

Nga të dhënat e përpunuara prej Monitor referuar buxheteve të 5 vendeve të Rajonit konkretisht Shqipëria vjel të ardhura nga kontributet 6 pikë përqindjeje më pak se, mesatarja rajonale. Në vitin 2013 Shqipëria mblodhi kontribute sa 4.1 % e PBB në një kohë që Serbia mbledh 10.3 % të PBB, Maqedonia 9,8 % të PBB, Mali i Zi 10.7% të PBB dhe Bullgaria 10 % të PBB. Siç shihet nga ky krahasim Shqipëria ka hapësira për të dyfishuar të ardhurat nga kontributet.

Hapësirat për arkëtime më të larta janë edhe në tatimin mbi Vlerën e Shtuar.
Shqipëria grumbullon 9 % të PBB, ndërkohë që Serbia 10.2%, Mali i Zi 12 %, Bullgaria 11.7% dhe Maqedonia 9.6%.

Tatimi mbi të ardhurat personale ka ende hapësira. Shqipëria grumbullon 2% të PBB nga Tatimi mbi të ardhurat, ndërkohë që Bullgaria grumbullon 4% të PBB-së, Serbia 4.4 % të PBB-së, 2.3% Maqedonia dhe mbi këtë nivel grumbullojnë edhe vendet e tjera të rajonit.

Hapësirat mbeten të larta edhe për akcizën. Shqipëria mbledh 3% te të ardhurave në raport me PBB, në një kohë kur Bullgaria mbledh 7% të PBB nga ky tatim, Mali i Zi 4.5 %, Serbia grumbullon më shumë se % të PBB nga akciza dhe Maqedonia 3.6%. të PBB.





Lajmet e fundit nga