web counter
LEXO PA REKLAMA!

SHKARKO APP

App Store
Google Play

E fundit!

x

Ndryshon rregullorja e BSH, raportohen te gjithe aksioneret me mbi 5 per qind

7 Gusht 2015, 16:06, Ekonomi CNA

Këshilli i Bankës së Shqipërisë në mbledhjen e fundit ndryshoi rregulloren ?Mbi raportimet në Bankën e Shqipërisë? duke shtuar një formular të ri në të cilin do të evidentohen të gjithë pjesëmarrësit e drejtpërdrejtë apo të tërthortë në kapitalin e bankës më jo më pak se 5%.

Raportimet nga bankat dhe degët e bankave të huaja sipas kësaj rregulloreje kryhen në periudha 1 (një) mujore, 3 (tre) mujore, 6 (gjashtë) mujore dhe vjetore

Afati për dorëzimin në Bankën e Shqipërisë të sistemit raportues për bankat dhe degët e bankave të huaja, është jo më vonë se 10 (dhjetë) ditë kalendarike pas mbylljes së periudhës raportuese.
Raportimi nga subjektet raportuese sipas kësaj rregulloreje bëhet në formë shkresore dhe në formë elektronike.

Gjatë vitit 2014, kapitali i paguar në sistemin bankar është rritur me 3.3 miliardë lekë ose 3.2% kundrejt një viti më parë. Struktura e kapitalit vijon të dominohet nga kapitali i huaj, i cili në fund të vitit 2014 përfaqëson rreth 89,5% të kapitalit të paguar të sistemit bankar, me një rënie prej rreth 2,5 pikë përqindjeje kundrejt fundit të vitit 2013.

Shkresa përcjellëse e dorëzimit në Bankën e Shqipërisë të sistemit raportues për bankat dhe degët e bankave të huaja duhet të jetë e nënshkruar nga administratori, i cili ka në varësi njësinë që merret me plotësimin e sistemit raportues.





Lajmet e fundit nga