Rruga Tirane-Elbasan, Haxhinasto paralajmeron nderprerjen e kontrates

31 Korrik 2015, 14:33, Ekonomi CNA

Për vonesën e punimeve në rrugën Tiranë- Elbasan, janë marrë masat dhe tashmë ka një ekip të përforcuar për projektin, i cili është duke gjetur zgjidhjet më optimale. Kështu tha sot Ministri i Transportit dhe Infrastrukturës, Edmond Haxhinasto i cili nuk përjashtoi edhe mundësinë e përfundimit të kontratës me kontraktorin aktual, dhe realizimin e përfundimit të punimeve me një kompani tjetër gjë e cila tha ai, do të ndodhë sipas procedurave ligjore. I pyetur nga gazetarët për vonesat në punime në rrugën Tiranë- Elbasan, ai u shpreh se ?Pavarësisht ngjarjeve të paparshikuara që kanë ndodhur dy rrëshqitjeve masive të këtij projekti, besoj që simptomat e projektit Tiranë-Durrës janë simtomat e projekteve në përgjithësi në Shqipëri, me studime shumë difektoz, me zgjidhje teknike të çuditshme dhe të papranueshme me angazhime të kompanive që fitojnë tenderat, do të thoja në mënyrë përsëri të çuditshme për të mos thënë ndonjë fjalë tjetër?. Ministri shtoi se në Shqipëri nuk mund të vish të fitosh një tender dhe pastaj pak rëndësi ka përfundimi i tij por se, tender do të thotë ta përfundosh veprën dhe pastaj të ofrosh shërbimin. Në këtë linjë ai tha se në Shqipëri ka përfunduar koha që kompanitë mund të vijnë dhe të bëjnë gallatë më paratë e shtetit shqiptar dhe me paratë e qytetarëve, dhe se ata që vijnë dhe angazhohen në realizimin e veprave publike duhet ti bëjne llogaeitë mirë sepse detyrimet që kanë ndaj shtetit shqiptar ndaj taksapaguesve Shqiptar do të respektohen deri në fund. Deklaratat e ministrit Haxhinasto u bënë teksa, zhvilloi sot paradite një inspektim në objektin në ndërtim, Impianti i Përpunimit të Ujërave të Përdorura të Tiranës Madhe, pjesë e projektit të bashkë financuar nga Qeveria Japoneze ?Projekti i Përmirësimit të Sistemit të Kanalizimeve dhe Ndërtimit të Impiantit të Trajtimit të Ujërave të Ndotura për Tiranën e Madhe?. Ministri pa nga afër ritmin dhe cilësinë e punimeve, ku deklaroi se ndonëse ritmet e punimeve janë rritur, projekti ka vonesa, që kanë ardhur si rezultat i keq-planifikimit fillestar. Ai i kërkoi kontraktorit respektimin e afateve të punimeve dhe cilësinë e tyre, për t?i shërbyer rreth 342 mijë banorëve të Tiranës, për sa i takon përpunimit të ujërave të zeza. Duke folur për çështjen e trajtimit të ujërave të zeza në tërësi, ministri deklaroi se, ?Është një problem i madh që kemi në vend, ku sot që flasim, operojnë vetëm 8 impiante të trajtimit të ujërave. Janë investuar rreth 120 milionë euro për këtë qëllim, por nevojat e vendit janë shumë më të mëdha. Mund t?ju them që nga 272 milionë m3 ujë që prodhohet për konsum të popullatës, vetëm 20 milionë prej tyre përpunohen, që ndërkohë që duhet të pastrohet i tëri?. Ai shtoi se pjesë e planeve të qeverisë është angazhimi më i madh i resurseve të brendshme dhe angazhimi i donatorëve dhe vendeve partnerë në zhvillimin e mëtejshëm të këtij sektori. Ministri Haxhinasto deklaroi se prioritet për këto investime marrin zona turistike, dhe për këtë do të kryhen studime integrale për blloqet kryesore të bregdetit, duke filluar me bllokun e Velipojën, Shëngjinin, gjirin e Durrësit, të Vlorës e Sarandës, me qëllim fokusimin e burimeve për të rritur efikasitetin e investimit dhe për të ofruar një infrastrukturë sa më cilësore për industrinë e turizmit. Projekti në zbatim kap vlerën e 110 milionë dollarëve, pritet t?u shërbejë rreth 340 mijë banorëve të Tiranës dhe ka një afat përfundimi deri në fund të viti 2016.