web counter
LEXO PA REKLAMA!

SHKARKO APP

App Store
Google Play

Doganat dështojnë me të ardhurat, mungojnë 8.6 miliardë lekë në 6 muaj

29 Korrik 2015, 17:30, Ekonomi CNA

Gjashtë mujori i parë i këtij viti ka shënuar minimumin historik të paktën për 5 vitet e fundit, sa i përket importit të cigareve. Sipas të dhënave zyrtare të Drejtorisë së Përgjithshme të Doganave, krahasuar me vitin 2011, importi i cigareve në këtë 6 mujor të gjysmës së parë të 2015, ka shënuar një rënie me 210 ton. Ndërsa krahasuar me një vit më parë, zhdoganimet e cigareve ishin 7.3 për qind më të ulëta.

Sipas të dhënave zyrtare, nga 1.168 tonë që u zhdoganuan në gjashtëmujorin e parë të 2014, këtë vit shifra ka rënë në 1.083 ton cigare. Autoritetet thonë se një nga shkaqet kryesore të rënies së zhdoganimeve lidhet me rritjen e akcizës, që u lajmërua vitin e kaluar. Sipas tyre, të njoftuar për rëndimin e taksave, tregtarët kanë importuar rezerva të mëdha vitin e kaluar, për ti shitur më pas me çmim më të lartë.

Paralelisht, veç efekti fiskal, një tjetër shkak pretendohet se është dekurajimi i konsumit të cigareve nga rritja e vazhdueshme e taksave. Të dyja këto janë fenomene janë të njohura, dhe ndodhin sa herë që ka rritje të taksave. Por sërish ato mund të mos jetë shkaku i vetëm se pse doganat po zhdoganojnë më pak. Sipas shifrave të publikuara nga vetë Drejtoria e Doganave, në të njëjtën periudhë të vitit 2011 u zhdoganuan 1,293 ton cigare, në vitin 2012 u zhdoganuan 1,531 ton, në vitin 2013 u zhdoganuan 1,379 ton, në vitin 2014 u zhdoganuan 1,168 ton cigare dhe në 6-mujorin e parë të 2015 u zhdoganuan 1,083 ton cigare. Nga shifrat vërehet se rënia e zhdoganimeve tek cigaret nuk është më një fenomen i përkohshëm i diktuar nga ndryshimet momentale të taksave, por është shndërruar në një tendencë, si dhe fakti që rënia është shumë e fortë nga viti në vit. Në këtë situatë lindin dyshimet për evazion fiskal/Sot





Lajmet e fundit nga