web counter
LEXO PA REKLAMA!

SHKARKO APP

App Store
Google Play

Rishikohet buxheti, ulen te ardhurat me 16.2 miliarde leke

4 Gusht 2015, 16:26, Ekonomi CNA

TemA mësoi se Ministria e Financave ka hartuar një akt-normativ që parashikon uljen e të ardhurave me 16.2 miliardë lekë në buxhetin e këtij viti.

Akti normativ parashikon gjithashtu që edhe shpenzimet të ulen po në të njëjtin nivel, çka do të sjellë ulje të investimeve për periudhën e mbetur të vitit. Ai ka mbëritur në Qeveri, e cila pritet të miratojë në detaje shkurtimet në afro 20 zëra të ndryshëm të buxhetit.

Në këto ndryshime ulje e njëjtë bëhet edhe në nivelin e shpenzimeve, por që mban të pandryshuar deficitin, i cili mbetet në 58.2 miliardë lekë, aq sa është parashikuar në fillim të miratimit të buxhetit të këti viti.

Ndërsa niveli i të ardhurave ndryshon nga 398.2 miliardë lekë i parashikuar dhe zbret në 314,9 miliardë lekë.

Shpenzimet e parashikuara nga Qeveria në fillim të vitit në 456.4 miliardë lekë, do të ulën në 373.1. miliardë lekë. Por do të jetë Qeveria ajo që do të vendosë se sa do të jetë kjo ulje për shpenzimet kapitale dhe ato operative.

Ndryshimi i buxhetit me akt normativ, është parë me sy kritik nga Qeveria aktuale kur ajo ishte në opozitë, me argumentin se një veprim i tillë kërkon debat.

Ndërsa ekspertët e ekonomisë e shohin rishikimin e buxhetit si ndikim negativ, pasi step investitorët e huaj.

 





Lajmet e fundit nga