web counter
LEXO PA REKLAMA!

SHKARKO APP

App Store
Google Play

E fundit!

x

Reagon Ambasada e Rusisë: Ndalohet vetëm importi, eksporti nuk preket

20 Gusht 2015, 18:47, Ekonomi CNA

Qeveria ruse nuk ka ndalur furnizimin e Shqipërisë me grurë, të paktën këtë deklaron ambasada ruse. Sipas një deklarata të dhënë nga ambasada ruse ndalohet vetëm importimi i lëndëve të para bujqësore, ushqimeve dhe prodhimeve nga vendet që kanë aprovuar sanksionet anti-ruse.

Deklarata e plotë e Ambasadës ruse në Tiranë:

 

Ambasada e Federatës Ruse në Republikën e Shqipërisë është e habitur nga publikimi kohët e fundit i materialeve të shumta në mediat shqiptare për gjoja ekzistencën e një rreziku të ndërprerjes së furnizimit të Shqipërisë me grurin rus.

Është e njohur që sipas vendimit të Qeverisë ruse Nr. 842 të dt. 13 gusht 2015 Shqipëria, bashkë me katër vende të tjera, është përfshirë në listën e miratuar të shteteve, ndaj të cilave është vendosur ndalimi i eksporteve të prodhimeve bujqësore në Rusi. Ky hap i ndërmarrë në bazë të parimit të reciprocitetit ka qenë një kundërmasë e Rusisë ndaj vendeve që e kanë mbështetur vendimin e Këshillit të Bashkimit Evropian 2015/971 të dt. 22 qershor 2015 për zgjatjen e sanksioneve të paligjshme ekonomike kundër Rusisë, lidhur me të ashtuquajturat ?veprime destabilizuese të Rusisë në Ukrainë?, dhe vendimin e Këshillit të Bashkimit Evropian 2015/959 të dt. 19 qershor 2015 për zgjatjen e sanksioneve të paligjshme ekonomike kundër Krimesë dhe Sevastopolit.

Ambasada thekson edhe një herë se vendimi i lartpërmendur i Qeverisë ruse parashikon vetëm ndalimin e importeve në Rusi të prodhimeve dhe lëndëve të para bujqësore, si edhe të ushqimeve, nga vendet që u janë bashkuar sanksioneve antiruse. Regjimi i eksportit të mallrave ruse, përfshirë këtu edhe grurin, nuk preket nga ky vendim. Pra, çdo shqetësim për një ndërprerje të mundshme të furnizimit të Shqipërisë me grurin rus është absolutisht i pabazë.

Në rast se do të merret vendimi për bllokimin e importeve të grurit rus në Shqipëri, mund të themi me siguri të plotë që kjo nuk do të bëhet nga Rusia.





Lajmet e fundit nga