web counter
LEXO PA REKLAMA!

SHKARKO APP

App Store
Google Play

Artan Shkëmbi: Kandidatura e Pogradecit e gabuar/Fushata e organizuar keq

17 Gusht 2015, 17:09, Aktualitet CNA

Artan Shkëmbi, ish-kryetar për 3 mandate i Bashkisë së Pogradecit, komenton humbjen e së majtës në Pogradec në 21 qershor. Ai thotë se rezultati nuk ishte surprizë. Sipas tij, kandidatura e përzgjedhur nga e majta ishte e gabuar dhe fushata e organizuar dobët.

?Nuk mendoj që rezultatet e Pogradecit kanë qenë surprizë as kur unë fitoja 3 mandate dhe as kur e majta humb. Ne kemi pasur 2 kryetarë të djathtë dhe 3 të majtë.  Kemi deputetë e majtë e të djathtë. Pogradeci nuk është bastion as i së majtës dhe as i së djathtës, është bastion i qytetarëve.  Nuk kam qenë i përfshirë në fushatë. Di ta lexoj rezultatin. Kandidatura e së majtës në Pogradec e gabuar dhe organizimi i fushatës i keq. Në zgjedhjet e kaluara organizimi ka qenë shumë i mirë. Unë kam arritur të fitoj herën e parë me 700 vota diferencë dhe më pas ta 3-fishoj diferencën. Ka një rënie të menjëhershme pas këtyre zgjedhjeve. Mendoj që ka qenë një organizimi i dobët i fushatës. Nuk është arritur tek problematika që shqetëson qytetarët por u është premtuar gjëra që nuk janë të interesuar?, deklaroi Shkëmbi për News 24.

Humbja e Bashkisë Pogradec nga kandidatja e LSI-së, Diana Mile krijoi jo pak pakënaqësi në partinë e Metës. Jo zyrtarisht flitet për një ?sabotim? të fushatës nga strukturat e PS-së në këtë qytet.





Lajmet e fundit nga