Zbulohet një tjetër pasion i Sekretarit Organizativ të PS… pas kumarit!

17 Gusht 2015, 15:59, Aktualitet CNA

Një foto e shkrepur pak ditë më parë në një restorant në zonën turistike, fshatin Boboshticë në Korcë. Ne foto është Sekretari Organizativ i PS në Korcë Petrika Tollkuçi, aktualisht drejtor i Fondit Rajonal të Sigurimit të Detyrueshëm të Kujdesit Shëndetësor.

Tollkuçi është në rolin e banakierit në lokalin e marë me qera prej tij, por që në fakt ai qëndron në hije. Në skenë del kur ka punë sic ishte dita e shtunë. Pronari përfundoi në banak për shkak të punës të madhe. ?Rosicat?, quhet restoranti i Tollkuçit në Boboshticë, ku janë investuar mijëra euro. Investimi i tretë ky pas rindërtimit të shtëpisë të fëmijërisë dhe blerjes së një shtepie të re.

Kumari ka qenë shfaqe e huaj në kohën e diktaturës, tashmë është thjesht legale dhe dicka private dhe këtu ska asgjë të keqe që një drejtor apo sekretar të ketë një pasion të tillë. Pyetja është e vështirë kur fillon dhe analizon disa fakte edhe nga ato të denoncimeve bërë në citynews.al kohë më parë.

Vështirësitë e përgjigjes qëndrojnë se një kumarxhi, jo me kohë të pjesshme, investon dhjetra mijë euro në një biznes privat, rindërton nga themelet shtëpinë e fëmijërisë, ble shtëpi të re, me rrogën e drejtorit a janë të mundura këto??? Citynews.al ka denoncuar disa herë skandalet me farmacitë dhe klientelizmin e Tollkuçit, mos vallë janë këto veprime që kanë cuar në një pasurim të tillë dhe të menjëhershëm?

Pertika Tollkuçi ka qenë pjesë e skandaleve financiare edhe kur ka qenë drejtor në Bashkinë e Korçës. Pak kohë më parë KLSH konstatoi një dëm ekonomik 3.7 mld lekë dhe u kërkua pushimi dhe largimi nga puna i shumë prej drejtorëve të këtij institucioni, ndërkohë që disa të sërës të Petrika Tollkuçit u graduan.

Nuk ka asgjë të keqe të luash kumar, kur luan me lekët e tua, as të investosh me lekët e biznesit tënd, apo të blesh një shtepi e rindërtosh një tjetër me lekët e tua, por askush nuk mund të thotë se të gjitha këto bëhen me rrogën e drejtorit. I urojmë suksese, si Drejtor, banakier, kumarxhi, pronar etj etj, por jo të gjitha bëhen me rrogën e një drejtori. Të vërtetën duhet ta zbardhin institucionet kompetente, gjithcka është majft e thjeshtë, shumë shpejt do kishim një zyrtar të dënuar për korrupsion mjafton të kontrrollohen problematikat dhe lejet e farmacive, pa hyrë thellë tek ato që thashë pak më lart. Ato janë pasojat, shkaku është detyra. Ato më lart janë qëllimi, mjeti i përdorur është ofiqi.

Në rast se dikush se ka kuptuar pasionin po ja them hapur. Banaku i restorantit te tij………….

Elvi FUNDO