E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Zbardhet strategjia për fshesën në administratë

8 Gusht 2015, 09:00, Aktualitet CNA

Nuk do të ketë gjumë, qetësi dhe vegjetim për administratën publike. Pas zgjedhjeve lokale të 21 Qershorit, ku Partia Socialiste u braktis nga 300 mijë mbështetës, nismat, projektet dhe reformat për të ?shkundur? administratën publike bëhen më të domosdoshme dhe emergjente. Në kuadër të njohjes dhe respektimit të të gjithë kontributorëve për rrëzimin e Sali Berishës nga pushteti dhe rikthimin e PS në qeverisje, qeveria ?Rama? po shikon mundësitë për një fshesë të re në administratën publike, për të larguar nga administrata një pjesë të militantëve të Partisë Demokratike dhe ata të cilët janë katapultuar, me anë të ryshfetit, ndërhyrjeve dhe manovrave të tjera të njohura. Nuk është më sekret se grupi parlamentar socialist ka shprehur në vijimësi shqetësimin për mbajtjen e njerëzve të Sali Berishës në piramidën e administratës publike, ndërsa kryeministri Rama është paralajmëruar për pasojat në rrjedhjen e elektoratit të PS.

Në këtë kuadër, mazhoranca qeverisëse, në fillim të sesionit të ri parlamentar, pritet të ndërmarrë dy hapa të parashikuara; kontraktimin e një agjencie të pavarur për kontrollin e cilësisë dhe profesionalizimit të administratës publike si dhe ristrukturimin e të gjithë degëve të ministrive. Përpos agjencisë së pavarur, qeveria parashikon ngritjen e një rrjeti efikas monitorimi dhe vlerësimi për administratën publik. ?Vlerësime periodike të pavarura të cilësisë së shërbimit kryhen çdo 2 vjet. Ndërtimi dhe forcimi i sistemit të monitorimit dhe vlerësimit të Qeverisë Shqiptare, nëpërmjet reformimit të kuadrit rregullativ në fuqi, rishikimit funksional të njësive të ngarkuara për monitorim dhe vlerësim në institucionet qendrore dhe forcimit të kapaciteteve të stafit në këto institucione, por edhe në njësitë qendrore monitoruese në Kryeministri, duke krijuar një rrjet efikas monitorimi dhe vlerësimi?, thuhet në strategjinë e qeverisë për administratën. Po ashtu, mazhoranca parashikon edhe një ristrukturim të të gjitha degëve të ministrive. Procesi i ristrukturimit të ministrive dhe degëve të tyre, është hapësira e vetme që lejon ligji për nënpunësin civil, për nxjerrjen e punonjësve jashtë sistemit pa koston e vendimeve të gjykatave.