E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Erjon Braçe kunder qeverise

8 Gusht 2015, 07:27, Aktualitet CNA

Deputeti i Partisë Socialiste Erjon Braçe ka dalë kundër një projekti të ri për tatimin mbi të ardhurat, që Ministria e Financave ka shpërndarë për konsultime me ekspertët dhe grupet e interesit i cili pritet të sjellë ndryshime të ndjeshme në skemën aktuale të taksave. Më konrektisht, sipas nenit 25 të draftit, për nivelin e të ardhurave nga 0 në 180 mijë lekë në vit, tatimi do të jetë 5 për qind, nga zero që është aktualsht. Mbi këtë nivel, pra për fashën vjetore të të ardhurave nga 180 mijë lekë deri në 1 milionë e 560 mijë lekë, taksa bëhet 13 për qind.

Përmes një postimi në Facebook, Braçe, i cili është edhe Kryetar i Komisionit parlamentar për Ekonominë thekson se kjo do të ishte në kundërshtim me programin e PS-së.

?Unë mendoj se ne nuk kemi nevojë të ndryshojmë në nivelin e poshtëm tatimin mbi të ardhurat nga puna! Thjesht, ne kemi nevojë të mbledhim tatimet e taksat, vetëm kaq!

Dështimi për të bërë këtë nuk mund të na kthejë pas, në tatime të reja e të rritura për punëtorët! Nuk ka para aty!

Paratë apo të ardhurat për buxhetin janë gjetkë! Ato duhet të mbledhim! Duhet vullnet politik, ligjshmëri e disiplinë fiskale!Nuk di cili është eksperti që ka hedhur në publik shkallën e re të tatimit të të ardhurave nga puna. Por di të them që ai ?propozim? (nëse ekziston), hedh poshtë një nga pikat më të rëndësishme të programit tonë, elementin kyç -tatimin progresiv të të ardhurave nga puna, qiratë, depozitat, dividentet, aksionet, kapitali në përgjithësi.

Siç është nuk u zbatua i plotë! Por, kjo nuk do të thotë që edhe njëherë tatimi të ndryshojë për pjesën e të ardhurave nga puna. Siç ishte dy vite më parë për 8 vite me radhë, natyrisht që i ndihu pabarazisë. Është shumë e qartë. Norma e fitimeve nga kapitali është shumë më e madhe se norma e fitimeve nga puna. Gjithnjë! Ndaj, unë jam kundër kësaj skeme që po lexoj.

Në anën tjetër, mosmbledhja e tatimeve dhe taksave po ndikon ndjeshëm në pabarazi! Paratë që nuk mblidhen, pasurojnë gjithnjë një grusht njerëzish, një grusht kompanish. Ndaj tani duhet vendosur qartë. Çdo të bëhet me fitimet nga nafta, prodhimi e përpunimi; çdo të bëhet me evazionin dhe mashtrimet, për mua shumë shumë të madh në këtë industri, gjithë zinxhirin që e ka burimin atje.

Çdo të bëhet me fitimet nga mineralet e tjera, krom, bakër, ar etj, prodhimi e përpunimi; çdo të bëhet me evazionin dhe mashtrimet, për mua të llahtarshëm, në këtë industri, gjithë zinxhirin që e ka burimin atje.

Mbi të gjitha, çdo të bëhet me vjedhjet në të dyja këto degë! Për mua, vjedhjet janë të mëdha në naftë e minerale dhe ky është krim penal.

Më tej, çdo të behet me të ardhurat nga kapitali, qiratë prej pasurive të patundshme, dividentet, aksionet, ku evazioni dhe mashtrimet janë të mëdha.

Në fund;

Është e papranueshme që evazioni të kthehet në biznes në dogana. Është shumë i madh deficiti atje. E di që ka shkaqe të tjera, përtej evazionit, por së pari duhet t?i japim fund abuzimit të cilitdo doganieri apo grupi doganierësh, menjëherë?, shkruan deputeti socialist.