web counter
LEXO PA REKLAMA!

SHKARKO APP

App Store
Google Play

E fundit!

x

Ndahen paratë për partitë, ja sa përfitojnë

8 Gusht 2015, 08:00, Aktualitet CNA

Lëvizja Socialiste për Integrim dhe Fryma e Re Demokratike janë dy forcat që do të përfitojnë më tepër fonde shtesë nga buxheti i shtetit, në bazë të rezultateve të arritura në zgjedhjet vendore të 21 qershorit.   Sipas përcaktimeve të Kodit Zgjedhor, partitë politike pjesëmarrëse në zgjedhje dhe që kanë marrë jo më pak se 0.5 për qind të votave në shkallë vendi, përfitojnë fonde nga buxheti i shtetit, në bazë të numrit të votave që secila parti ka marrë në ato zgjedhje.

Vendimi për ndarjen e fondeve do të merret ditën e hënë në mbledhjen e Komisionit Qendror të Zgjedhjeve. Sa i përket formulës që ndiqet në përcaktimin e fondeve, është neni 87 ai që e përcakton atë.   Sipas tij, KQZ-ja përllogarit shumën që i takon secilës parti, duke shumëzuar vlerën në para të një vote të vlefshme, me numrin e votave të vlefshme që ka marrë secila parti në zgjedhjet e radhës. Më pas zbret nga shuma e përllogaritur sanksionet financiare që janë bërë titull ekzekutiv, të vëna për partinë përkatëse.

Shuma e mbetur pas përllogaritjeve, është shuma e cila përfiton partia pjesëmarrëse në zgjedhje nga Buxheti i Shtetit. Nga kjo shumë zbritet fondi i dhënë paradhënie. Duke u bazuar në këtë formulë, partitë që kanë përfituar më shumë janë Lëvizja Socialiste për Integrim dhe Fryma e Re Demokratike, pasi patën rritje në zgjedhje krahasuar me rezultatin e mëparshëm. LSI do të marrë nga buxheti 6,810,293 lekë shtesë, ndërsa FRD, 1,270,697 lekë. Partia e tretë që do të përfitojë më tepër fonde shtesë është Partia Socialiste e Moderuar, e cila do marrë 610,074 lekë, ndërsa pas saj vjen Partia Demokratike, me 487,677 lekë. Ndërkohë Partia Socialiste renditet e parafundit, me 65,151 lekë.

Ajo që bie në sy, është se përfitime të shumta kanë dhe dy partitë surprizë në zgjedhje, Partia Ora e Shqipërisë dhe Partia Unitetit Kombëtar, të cilat do të marrin respektivisht nga 401,894 dhe 371,773 lekë.

Kthimi i parave

Përveç partive që do të përfitojnë fonde shtesë nga zgjedhjet vendore, mjaft të tjera duhet që të kthejnë mbrapsht shumat e marra gjatë fushatës. Në pikën 6 të nenit 87, thuhet se në rast se shuma e përfituar nga formula e mësipërme, është më e vogël se shuma e dhënë paradhënie për financimin e fushatës zgjedhore, partia është e detyruar të kthejë diferencën e përfituar. Në këtë mënyrë janë 46 parti që duhet të kthejnë në total 11.688.148 lekë. Për shkak të rezultatit të dobët në zgjedhje, krahasuar me ato paraardhëse, partia që duhet të kthejë më tepër fonde është ajo e Paskal Milos, plot 1,321,336 lekë. Pas saj vjen Partia Demokristiane, e cila duhet që të kthejë 1,091,229 lekë. Po ashtu para pas duhet që të kthejë dhe Partia Bashkimi për të Drejtat e Njeriut e Vangjel Dules, plot 1,037,328 lekë. Në këtë listë përfshihen dhe partia e Skënder Gjinushit, Partia Socialdemokrate, që duhet t?i kthejë KQZ-së 826,966, si dhe Partia Republikane e Fatmir Mediut që duhet të kthejë 661,159 lekë.





Lajmet e fundit nga