E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Genc Pollo në sulm/ Andarti kërkon vendin e Palokës ose Spahos

4 Gusht 2015, 20:26, Aktualitet CNA

Genc Pollo ish-Ministri i Arsimit që kioskëzoi universitetet shqiptare dhe një nga personazhet më të akuzuara për korrupsion, pas dy vitesh heshtje kërkon të rëmbejë një post drejtues në PD, tw kthehet aty ku e la në vitin 1999.

Pollo, ose Andarti, ashtu sic e quante dikur Fahri Balliu me pseudonim, kërkon të jetë në krye te PD. Njeriu që qëndroi në heshtje pas shumë e shumë akuzash për afera korruptive dhe pisllëqe politike, tani mendon se ka ardhur koka të rikthehet në krye. Cudia më e madhe 3 ditë zgjat.

Andarti Pollo, kërkon të rrëmbeje postin e nënkryetarit të PD. Loja e tij me një klan servilësh të vendosur nga Lulzim Basha në poste kyce, duket të jetë mjat e fortë ditët e fundit.

Për aksionin e tij Pollo, po përdor personazhe të vjetër që i vijnë pas pazareve politike të tij. Fahri Balliu duket më spektakolari, së fundi mik i tij, Këndezi i ish-sigurimit të shtetit po lufton me të gjithë bateritë e tij. Ferdinand Xhaferi, Enno Bozdo (me 2 cop N), janë zërat që po luajnë një skenar më Pollon. Aleancat me PS apo LSI, ëndrat për karrige pushteti, pas humbjes shkatëruese të opozitës në 21 qershor, janë puna e tyre kryesore. Fariu shpall Pollon fitues, Enno e co, thonë kemi fituar, Xhaferi bën apele dhe flet si udheqës, pas tyre vijnë edhe ca qerosë me diploma fallco të keqpërdorur nga Cili i UET. Ky i fundit gjithcka zotëron sot e ka me firmën e Pollos, një bashkim klintelist interesash brenda PD-së do i bënte mjaft mire Neimit të Labinotit.

Loja për koalicion me PS apo LSI është vetëm skenari i gatuar në sipërfaqe dhe media. Nën rrogoz andarti kërkon postin e nënkryetarit të PD. Edi Paloka sot kryetar grupi dhe nënkryetar i PD, është ndoshta njeriu më i sulmuar nga Pollo dhe banda e tij e andartëve, ata deklarojnë kudo se Paloka nuk e menaxhon dot grupin. Pollo në krye të tij do ishte një zgjidhje ?perfekte?. Në fakt ky do ishte fundi i Grupit Parlamentar të PD-së.

Nga ana tjetër në rast se skenari me vendin e Palokës nuk ecën, skenari i andartëve shkon tek Edmond Spaho, nënkryetari tjetër i PD. Ky i fundit shihet si një nga përgjegjësit kryesorë për humbjen e Grida Dumës në Durrës. Spaho u shfaq apatik, jo organizativ dhe dështak total në këtë fushatë. Një kockë e lehtë për andartët e Pollos, por skuthëria e Spahos është spektakolare në të tilla raste. Pollo kërkon që nënkryetari i dytë të meret me organizimin e partisë në degë. Kjo për shak të mundësive që jep posti i nën/kryetarit të kuvendit, (karburant, mjete, shofera). Mefshtwsia e Spahos dhe mosha e tij janë armët e andartit.

Një lojë që Pollo dhe sejmenwt e tij po e luajnë fort këto ditë. Ose kreun e grupit ose vendin e Spahos, loja sapo ka filluar dhe përplasja brenda grupit parlamentar dhe vetë PD-së pritet të jetë e fortë.

Prej kohësh Pollo drejton në hije organizimin dhe mardhëniet me jashtë të PD-së, dy pikat kyce të opozitës. Por ëndra e tij nuk mbaron këtu, ai kërkon të rikthehet në pozicionin e përpara vitit 1999, kur braktisi postin e nënkryetarit, sulmoi dhe përcau PD si dhe ishte shkaktari kryesor i humbjes së saj në zgjedhjet e vitit 2001.

Elvi FUNDO