web counter
LEXO PA REKLAMA!

SHKARKO APP

App Store
Google Play

E fundit!

x

Ekstradohet i akuzuari per mashtrim

4 Gusht 2015, 11:44, Aktualitet CNA

 Policia e Shtetit nofton se ne  datën 04.08.2015, u krye ekstradimi nga Roma/Itali, drejt vendit tonë, i shtetasit shqiptar, Kelmend BUFAZI, 41 vjeç,  banues në Lushnjë. Me vendim nr.528 datë 24.11.2010 të Gjykatës së Rrethit Gjyqësor Elbasan, shtetasi BUFAZI  është dënuar me 5 vjet burg, për kryerjen e veprës penale “Mashtrim”, parashikuar nga neni 143/2 i Kodit Penal.

 Ngjarja

Më datën 13.10.2007 shtetasi R. D. me banim në Dragot/Elbasan, ka qenë në shtëpinë e tij,  dhe Kelmen Bufzi pasi kishte mësuar se ai do të shiste një tufë delesh (139 krerë me një vlerë prej 8.300 lekë/krerë), ka përgatitur një deklaratë me dorë në praninë e dy personave të tjerë, dhe kanë rënë dakort për blerjen e tyre. I pandehuri i ka dhënë fillimisht shumën prej 200.000 Lekë nga totali prej 1.150.000 lekë, dhe i ka premtuar se pjesën tjetër do ia jepte brenda datës 01.05.2008. Duke qenë se pjesa e detyrimit nuk është shlyer asnjëherë nga BUFAZI, personi i dëmtuar ka depozituar kallzim penal në ngarkim të tij.

 

Gjithashtu në vitin 2008 po në fshatin Dragot Tepelenë shtetasi BUFAZI i ka marrë shtetasit V.P 100 krerë dele, duke i dhënë vetëm një pjesë të parave dhe duke mos shlyer detyrimin e plotë.

Po kështu ka vepruar edhe me shtetasin F.A. të cilit i ka marrë 41 krerë qingja dhe duke mos i shlyer asnjë pagese.

 

Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, duke u finalizuar me ekstradimin e tij drejt vendit tonë.





Lajmet e fundit nga