web counter
LEXO PA REKLAMA!

SHKARKO APP

App Store
Google Play

E fundit!

x

Pese te humbur ne Tetove/ Situate e jashtezakomshme pas rreshjeve (FOTO)

4 Gusht 2015, 05:57, Aktualitet CNA

 

Pesë qytetarë shqiptarë nga Tetova, tre fëmijë dhe dy të moshuar, mendohet se mund të kenë humbur gjatë vërshimeve dhe stuhisë së jashtzakonshme në Tetovë. Pamjet shokuese që vijnë nga kryeqendra e shqiptarëve në Maqedoni tregojnë shtëpi vetura dhe rrugë të shkatërruara. Qeveria e Maqedonisë pritet të shpall emergjencën civile në zonë dhe të nis punën për përllogaritjen e dëmeve.

Gjithë qyteti dhe rajoni i Tetovës janë nën ujë ndërsa ka vërshim të lumit Shkumbin. Reshjet e rrëmbyeshme kanë shkaktuar edhe rëshqitjen e dheut.

Drejtoria për mbrojtje dhe shpëtim po punon në teren dhe apelonë deri te banorët e rajonit të Tetovës të zvogëlojnë frekuentimin e lëvizjes në veçanti të ulin frekuentimin me makina me qëllim që makineria të punoj.

Më së shumti në rajonin e Tetovës janë prekur fshati Reçicë e Vogël, rruga 172, thuajse e përmbytur e gjitha. Situatë e keqe është edhe në Malësinë e Sharrit, konkretisht në Shipkovicë, si dhe në fshatin Poroj.

Në Reçicë të vogël, uji ka depërtuar në të gjitha katet e para dhe përdhese të shtëpive. Popullata po mundohet privatisht të ndihmojnë njëri-tjetrin, por nga Komuna dhe Ndërmarrja publike, ende nuk kanë dalë në terren. Përmbytje edhe në rajonin e Tearcës. Fshati Dobrosht është përfshirë gjithashtu nga uji, dhe madje, ka rrëshqitje të malit. Nga ana tjetër, dëme tarracash ka edhe nëpër qytet, kurse më në krizë, është lagja e poshtme e Tetovës, ku nga vërshimet e ujit janë mbledhur gurë dhe dru, që kanë përfunduar në shtëpitë e kësaj lagjeje.

Ndërkohë Qeveria e Republikës së Maqedonisë për nesër në ora 12;00 ka caktuar mbledhje urgjente, me të vetmen pikë në rendin e ditës, gjegjësisht situata e krijuar në rajonin e Tetovës pas vërshimeve.

Në mbledhje janë ftuar edhe kryetarët e Komunëve të Tetovës, Tearcës dhe Bogovinës.

t7 t6 t5 t4 t3 t2 t1

 





Lajmet e fundit nga