E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Përse duhet besuar në ato që thotë Blushi?

3 Gusht 2015, 11:43, Aktualitet CNA

Nga Kolonjari

Janë dy të vërteta të pamohueshme, të qenësishme, të patjetërsueshme dhe, mbi të gjitha të vlefshme, për të besuar dhe për të mos lenë të zgjasin vetëm ?tre ditë? shqetësimet e Blushit, të shprehura nëpërmjet ?Funeralit? dhe ?120 pyetjeve?. Këto shqetësime duhet të jenë një pikënisje, megjithëse e vonuar e këtij populli, me qëllim që të kërkojë i pavarur nga pengmarrja politike, me dinjitet dhe rregulla demokracie, një qeverisje më të mirë, më të përgjegjshme dhe, ç?është më kryesorja, që në çdo hap reformues të mbahen parasysh interesat e përgjithëshme.

E para, Blushi është pjesë e politikës dhe, si i tillë, flet me djeni të plotë për çfarë është duke ndodhur. Nuk mendoj se duhet besuar Blushi si politikan, por besoj se duhet besuar si një prej atyre dëshmitarëve që ka dijeni për atë që po ndodh. Duhet besuar sepse shumica e njerëzve e kanë një ide të tillë të përgjithshme për çka po ndodh në këtë vend, por duhet një njeri me njohuri dhe aftësi si të tijat, për t?i renditur dhe për të bërë shumicën e njerëzve të thonë në heshtje: ?këto janë ato që dua të them edhe unë?!

E dyta, duhet besuar sepse Blushi, mes politikanit dhe shkrimtarit, shkëlqen në letërsi. Kjo e fundit bën që rutinën e përditshme ta bëjë të njohur për të gjithë, në mënyrën më të thjeshtë, pavarësisht se je apo jo pjesë e saj. Blushi, si shkrimtar dhe nëpërmjet penës së tij goditëse, nuk mund të mashtrojë! Jo sepse nuk do ta bëjë, por nuk mundet! Një shkrimtar nuk mund të mashtrojë, ai vetëm mund ta zbukurojë, ose ngjyrosë me ngjyra ndryshe nga ajo e purpurta të vertetën, po e vërteta është aty brenda rreshtave, e shprehur direkt ose e nënkuptuar. Në këtë rast, shkrimtari Blush, ka zgjedhur ta thotë direkt, copë, pa ngjyra pranverore, por me errësirën e një nate dimri të stuhishme dhe mbytëse.

Ndryshimet pozitive në shumë vende të botës kanë ardhur nga zgjimi i koshiencës popullore, koshiencën popullore në shumicën e rasteve e ka ç?plurosur pena e shkrimtarëve që kanë marrë përsipër një mision të tillë. Duket se edhe ?Beni?, siç thotë doktori apo ?komentuesi?, siç thotë Piktori, po ndërmerr një mision të tillë, që nuk duhet lënë të zgjasi vetëm tre ditë! Së pari, nuk duhet lënë nga vetë Blushi dhe, së dyti, nuk duhet lënë nga analistët, opinionistët dhe shoqëria civile që deri tani kanë bërë vetëm avokatin (delenxhi, matrapaz, pazarxhi) të asaj klase politike, të cilën etiketon Blushi.

Nuk bëhet fjalë kundër të djathtëve, të majtëve apo të qendrës, se në këtë vend nuk e kemi luksin të kemi të tillë. Por këtu bëhet fjalë për një dinjitet sa kolektiv, aq edhe individual. Bëhet fjalë që ky popull të reagojë një herë në historinë 25-vjeçare, thjesht dhe vetëm për interesat e veta. I pa përdorur nga të ashtuquajturit të djathtë, të majtë apo të qendrës!