Dashamir Shehi: Basha të dëgjoje zërat kundër

3 Gusht 2015, 11:19, Aktualitet CNA

Kryetari i LZHK-së Dashamir Shehu ka komentuar pë gazetën “Shekulli”, momentet që po kalon Partia Demokratike. Sipas tij kryetari i PD-së duhet të marrë seriozisht sfidën e zgjedhjeve parlamentare të 2017. Ai këshillon Bashën që dëgjojë zërat kundër dhe të ofrojë në strukturat e larta të PD-së kandidatët që në zgjedhjet lokale treguan performancë të lartë dhe mbi këtë bazë të nisë teza. ?Rezultati i zgjedhjeve të 21 qershorit ishte i pritshëm. Unë gjykoj se ky lloj rezultati ka anët e veta pozitive përveç humbjes në pjesën më të madhe të bashkive.

Jam shprehur edhe më parë që në këto zgjedhje opozita është dashur që të japë mesazhin që ne do të ballafaqohemi të barabartë dhe jo që të fitojmë domosdo. Nga rezultatet pamë që opozita ishte konkurruese si me emrat e kandidatëve dhe me rezultatin e ngushtë në pjesën më të madhe të bashkive. Ne kemi përpara zgjedhjet parlamentare dhe mendoj se beteja 21 qershorit ishte një test pozitiv për opozitën. Tani duhet të shohim përpara. Dhe Partia Demokratike e udhëhequr nga kryetari i saj z.Basha ka përpara zgjedhjet parlamentare?, është shprehur Shehi.

Aksioni

Kreu i LZHK-së ka folur dhe për aksioin që duhet të nisë PD-ja. ?Në zgjedhjet parlamemtatre opozita duhet të shkojë e përgatitur duke u freskuar me ide dhe përforcime në të gjitha drejtimet. Të gjitha tezat duhet të jenë në funksion të perspektivës politike jo të justifikimit të asaj që ka ndodhur më parë. E kam thënë edhe më herët në një prononcim, që PD-ja duhet të shmanget ndaj zhgënjimit që sollën zgjedhjet e 2013s. Ka ardhur koha që qendra e djathtë të pastrohet e të krijojë një ide të qartë se si të fitojë zgjedhjet parpalemtare dhe jo të ngelet peng e situatave zhgënjyese. Që në shtator duhet përgatitet një fushatë me njerëz që janë të pëlqyer nga votuesit dhe që gëzojnë një reputacion pozitiv në zonat ku kandidojnë, vetëm në këtë mënyrë opozita mund të rikthehet në pushtet?, theksoi kreu i LZHK-së

Ndryshimet në strukturë

Ndërsa duke folur shumë për analizën që pritet të bëjë Basha në shtator ai tha se PD nuk ka nevojë për struktura të reja drejtuese por ka nevojë që të rikthejë në krye të PD-së disa nga emrat që spikaten në zgjedhjet lokale. ?Të gjithë kemi parë që në Partinë Demokratike këto kohë janë shtuar figurat të cilët kanë qëndrime të ndryshme për aktualitetin politik në vend. Ky, mendoj që është tregues së PD pranon zëra kundër. Ndoshta për ndonjë ky është problem i madh, por për mua kjo është arritja më e madhe që ka pësuar PD-ja nën drejtimin e kryetarit të ri. Ndërsa sa i përket analizës së shtatorit mund të them se Basha duhet të përballet me të gjithë ata që duan të japin mendime ndryshe dhe mbi këtë bazë të nisë tezën e re për zgjedhjet parlamentare?, thekoi ai.

Përgjegjësitë

Ligjvënësi i së djathtës ka komentuar dhe çështjen e përgjegjësisë që duhet të mbajnë humbësit në PD. ?Rezultati i zgjedhjeve ka folur në favor të së majtës pasi qytetari ka vendosur në këtë mënyrë dhe nuk ka pse të gjejmë me çdo kusht fajtorët që sollën humbjen. Opozitës i duhet një reflektim dhe shkëputje nga kompleksi i humbësit dhe tashmë kjo gjë është arritur duke krijuar disa figura referimi në rrethe?. tha Shehi.