E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kush janë “Becchettët” shqiptarë?

28 Korrik 2015, 18:20, Aktualitet CNA

Ka një vëmendje të madhe të disa portaleve dha gazetave shqiptare mbi problemet financiare te italianit Francesko Beçhetti. Dhe më konkretisht, mbi pagat e pretenduara si të vonuara nga një shoqatë gazetarësh dhe shkrutimet në staf që do të bëjë ?Agon Channel?.

Do të ishte një shqetësim normal dhe pasqyrimi i këtij problemi për kolegët që mund të humbasin vendin e punës apo kanë muaj pa marrë rrogat. Sigurisht që do të përbënte jo vetëm një pasqyrim të problemit, por dhe një solidaritet me kolegët.

Në atë çfarë shkruajnë mediat tona, a kemi të bëjmë me një rast të tillë?

Padyshim që jo. Për disa arsye:

E para, nuk pati asnjë reagim nga portalet në fjalë (përjashto Andi Bushatin) kur kryeministri Edi Rama vendosi të zaptoj me polici studiot e ?Agon Channel?. As kur u publikuan sms-të kërcënuese të Erion Veliajt ndaj gazetarëve të ?Agon Channel?.

Se dyti, gazetarët e këtij operatori televiziv i janë drejtuar dy herë bankomateve për të tërhequr pagat dhe ato janë bllokuar në banka me urdhër prokurorie. Pra, pronari ka paguar, bankat i kanë bllokuar. Pronari i ?Agon Channel?, ndryshe nga pronarët e mediave tona e ka bërë detyrën. Ka derdhur paratë në bankë.

Se treti, sa gazetarë që kane pronar shqiptar hasën me probleme për pagat e prapambetura? Të gjithë përveç mediave si ?Ora News?, ?News 24? e ?Top Channel?. Të gjitha të tjerat nuk janë korrekt dhe madje janë në borxhe disa milionëshe me gazetarët e tyre.

A kanë reaguar me emra pronarësh portalet dhe shoqata në fjalë? Me emra pronarësh shqiptarë asnjëherë.

Së katërti, a janë fitimprurëse mediat në Shqipëri? Asnjëra. Po atëherë përse ekzistojnë? Për pastrim parash apo për shantazh ndaj qeverisë për bizneset e tyre?

A është edhe kjo akuza ndaj Francesko Becchettit? A janë të gjithë pronarët e mediave shqiptare përveç atyre të sipërpërmendura, Becchett? Ky është problem. Bechettët shqiptarë. Italiani ikën./Syri.net