E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Et’hem Ruka: Gabimet e Ramës, qeveria është larguar nga partia

28 Korrik 2015, 09:06, Aktualitet CNA

Këshilli i të Urtëve në PS nuk funksionon më. Qeveria është larguar nga partia. Parlamenti është në nivel të ulët intelektual. PS dhe LSI duhet të bashkohen.

Këto dhe të tjera kritika dhe teza ka hedhur dje një nga figurat më të rëndësishme të PS që nga vitit 1990, Ethem Ruka, tre herë ministër në qeveritë e PS, deputet në 7 legjislatura dhe biokimisti me gardën shkencore profesor doktor të mbrojtur në Francë.

?Po unë kam 25 vjet që militoj në PS dhe do të jem pjesë e kësaj partie sa të kem frymë. Sa për përcaktimet veteran apo pensionist kjo nuk ka rëndësi. Ndërkohë lidhur me Këshillin e të Urtëve ai nuk funksionon më? u shpreh Ruka.

Ai theksoi se mbledhja e fundit ka qenë përpara se Rama të merrte detyrën e kryeministrit por sapo qeveria nisi punën, këshilli nuk është mbledhur më.

Et?hem Ruka vlerëson punën e qeverisë, ku sipas tij kryeministri Rama arriti që në dy vjet të realizojë reforma që do të kenë ndikime pozitive shumë shpejt.

Ruka vijon më tej duke thënë se deputeti socialist, Ben Blushi ka të drejët në ato që ka thënë, por ai evidenton një gabim të rënë të Blushit.

?Nuk sulmohet partia në të cilën militon, gjatë fushatës elektorale. Blushi kishte të drejtë që Rama duhet të kishte kryer zgjedhjet për kryetarin e PS. Mandati ka mbaruar dhe ai duhet të bënte zgjedhje. Unë isha dhe jam i bindur se nëse do bënte zgjedhje Rama do fitonte pa ansjë problem. Por nuk e kuptoj përse nuk i realizoi këto zgjedhje. Idea se partia ka fituar zgjedhjet lokale dhe automatikisht kryetari rikonfimohet nuk kanë vlerë sepse partia bazohet në statut dhe statuti nuk e përcakton kështu. Gjithsesi, pavarësisht kësaj situate Blushi një ditë do të pajtohet me Edi Ramën. Jam i bindur për këtë. Unë kam qenë dëshmitar i një seri debatesh mes tyre dhe përsëri Blushi dhe Rama kanë gjetur gjuhën e përbashkët. Jam i bindur që një ditë ata do të pajtohen? tha Ruka.

Ndërsa sa i takon koalicionit të PS-LSI, Ruka nënviozn faktin se nuk ka më vlerë që PS dhe LSI të funksionojnë bashkë por me dy logo të ndryshme.

?Ky bashkim është natyral sepse si anëtarët e PS dhe ata të LSI janë të majtë dhe dikur të gjithë ishin në një parti. Pra si socialistët e LSI dhe socialistët e PS janë një? deklaroi ai.

Ruka nënvizon një karakteristikë të kryeministrit Rama, cili kur vization dhe pikturon është i përqendruar shumë në bisedë, pasi kjo është një mënyrë e tij për të të dëgjuar dhe komunikuar. Në pamje të parë kështu duket, por ai është jashtëzakonisht i vëmendshëm.