Raporti i DASH, zyrtaret favorizojne trafikun/ Nje deputet i denuar per shfrytezim dhe trafik qeniesh njerezore

27 Korrik 2015, 16:18, Aktualitet CNA

Departamenti Amerikan i Shtetit publikoi raportin vjetor mbi trafikun e qënieve njerëzore, ku Shqipëria radhitet sërish në listën e vendeve me probleme sa i përket këtij fenomeni.

Sipas raportit, mbetet problematik trafikimi dhe shfrytëzmi i femrave dhe fëmijëve si brenda Shqipërisë, ashtu edhe jashtë vendit, ndërsa vlerësohet si problematike përfshirja e zyrtarëve dhe korrupsioni në favorizimin e trafiqeve të paligjme.

Një deputet i Parlamentit shqiptar është përfshirë në trafik. Kështu thuhet në raportin e publikuar nga Departamenti Amerikan i Shtretit, lidhur me trafikun e qenieve njerëzore, ku saktësisht citohet se, ?Një anëtar i ulur në Parlament është dënuar më parë për krime të lidhura me trafikimin?. Në vijim thuhet se Shqipëria është një vend burimi dhe destinacioni për burra, gra, dhe fëmijë të cilët i nënshtrohen trafikimit seksual dhe punës së detyruar. Gratë dhe fëmijët i nënshtrohen kryesisht trafikimit seksual në Shqipëri, në vendet fqinje si Kosova, Maqedonia, Mali i Zi dhe Greqi, dhe në vende të tjera evropiane. Në vijim thuhet se një numër në rritje i fëmijëve shqiptarë të përkatësisë të etnisë egjiptiane të Ballkanit, i nënshtrohen lypjes së detyruar dhe formave të tjera të detyruara të punës në Shqipëri dhe vendet fqinje Greqia, Kosova, Maqedonia dhe Mali i Zi. Disa vajza shqiptare i nënshtrohen trafikimit seksual apo punës të detyruar pas martesave me shkuesi. Gjithashtu në raport citohet se bashkëpunimi zyrtar në krimet e trafikimit mbetet një shqetësim i rëndësishëm. Po ashtu nënvizohet se Qeveria e Shqipërisë nuk i përmbush plotësisht standardet minimale për eliminimin e trafikimit, por thuhet se se ajo po bën përpjekje domethënëse për ta bërë këtë. Sipas raportit të DASH, në 2014 prokuroria hetoi 39 raste, në 2013 vetëm 24 raste. Prej këtyre rasteve, gjykatat dënuan 9 trafikantë në 2014, ndërsa në 2013 vetëm 2. DASH kërkon nga qeveria shqiptare të rrisë fondet për viktimat e trafikut si dhe të ofrojë shërbim shëndetësor falas për viktimat e trafikut Po kështu DASH nënvizon se qeveria shqiptare duhet të vijojë hetimet, gjykimet dhe dënimet e trafikantëve.