web counter
LEXO PA REKLAMA!

SHKARKO APP

App Store
Google Play

E fundit!

x

Ish-Presidenti Meidani: Rama s’ka respektuar statutin për kreun e PS, ‘senatorët’ fërkuan sytë

27 Korrik 2015, 07:22, Aktualitet CNA

Ish-presidenti i Republikës, Rexhep Meidani, kërkon nga kryetari i Partisë Socialiste që të respektojë statutin e partisë.  Në një intervistë për gazetën ?Panorama?, Meidani shpreh habi se si senatorët e PS nuk e kanë kërkuar zbatimin e statutit. Duke analizuar zgjedhjet e fundit vendore, ish-presidenti e sheh rezultatin e maxhorancës si produkt të një operacioni për shumimin e votës përmes zgjerimit të koalicionit zgjedhor, ndërsa rezultatin e opozitës e cilëson një humbje të rëndë.

?Kjo është një çështje tashmë tepër e vjetëruar, për të cilën e kam shprehur mendimin tim. Nuk është respektuar statuti aktual në funksionimin institucional të partisë, që po të ?ekstrapolohet? shpreh një deformim në konceptim, një përafrim jodemokratik në ligjësimin institucional. Pavarësisht deklaratave të kryetarit (me mandat të përfunduar sipas statutit) dhe sofizmave të tij me modelin laburist, aq më keq të imitimeve përdredhëse të ?ideologëve? dhe servilëve të çdo kryetari radhe; përgjigja është fare e thjeshtë ? duhej të ishte respektuar statuti? deklaroi Meidani.

Ish presidenti vuri theskin tek domosdoshmëria e miratimit me shpejtësi të një statut tjetër, në pasqyrim të situatës konkrete apo merakut personal, pasi sipas tij, këtë do të bënte çdo parti me udhëheqje dhe forume dinjitoze.

?Çuditërisht përdoret një argument që nuk është fare argument, në kuadër të statutit aktual të partisë. Dhe, megjithatë, është heshtur ose janë fërkuar sytë! Përfshirë dhe të ashtuquajturit ?senatorë? të partis? theksoi më tej Meidani.

 





Lajmet e fundit nga