web counter
LEXO PA REKLAMA!

SHKARKO APP

App Store
Google Play

E fundit!

x

Skandal financiar në PD/ Florian Xhuti zhduk milionat e teserave

26 Korrik 2015, 09:25, Aktualitet CNA

Një skandal financiar përfshin Partinë Demokratike dhe pikërisht Sektorin e Organizimit. Në numrin e llogarisë të PD, mungojnë milionat e teserave të antarësisë. Bëhet fjalë për të gjithë strukturat që u pajisën me tesera të reja në vitin 2011.

Në atë vit, PD filloi një proces për kartat e reja të antarësisë, këtë proces të printimit dhe shpërndarjes së teserave e drejtonte pikërisht Florian Xhuti, specialist organizimi në PD, i zhdukur pak kohë më parë për shkak se nuk mori asnjë post në parti dhe i rikthyer tashmë po si specialist organizimi. I quajtur ndryshe edhe miu i qilareve në PD.

Në vitin 2011, Partia Demokratike filloi procesin e paisjes me karta të reja antarësie ose sic quhen           ndryshe tesera. Dega e Tiranës në atë kohë pothuajse e kreu të plotë këtë proces, ndërsa degët e tjera          pjesërisht. Cdo pagesë për teserat e reja që prodhoheshin derdhej tek Florian Xhuti.

Ky ishte edhe personi përgjegjës për printimin dhe shpërndarjen. Ka dhjetra raportime kur anëtarë të PD kanë paguar lekët në dorë tek Florian Xhuti dhe nuk kanë marë asnjë mandat.

Burime nga PD theksuan, se për këtë skandal, i cili është dhjetra milionë lekë,  ka edhe shkresa zyrtare dhe raportim te kreu i ri i PD Lulzim Basha. Kjo e gjitha është bërë nga punonjësit e financës të cilët kanë konstatuar se lekët që mbidheshin nga teserat nuk derdheshin as në arken e partisë dhe as në numrin e saj të llogarisë.

Të njëjtat burime theksojnë se janë printuar mijëra tesera të reja antarësie dhe duke llogaritur shumën për 500 lekë të reja që paguhej për teserën, totali është dhjetra e dhjetra million leke. Mësohet të jenë printuar gati 50 mijë tesera antarësie që kanë një vlerë prej 250 milion lekë.

Por, saktësohet se jo të gjitha degët që kanë marë teserat kanë derdhur lekët pranë organiimit sipas totalit të kartave të antarësisë të printuara që kanë tërhequr. Dega e Tiranës ka qenë më kryesorja e këtij procesi në vitin 2011 dhe vjedhja më e madhe e fondeve apo zhdukja e tyre nga Florian Xhuti është bërë pikërisht nga të ardhurat e siguruara në këtë degë. Kjo për faktin se është më e madhja në vend dhe procesi i printimit për kryeqytetin ecte me rritëm më të lartë për shkak të kërkesave.

Xhuti është një nga njerzit e organizimit të PD prej disa kohësh. I njohur si figurë që më shumë se si specialist organizimi ka shërbyer për manipulime në zgjedhje degësh, apo më keq akoma shumë prej strukturave e akuzojnë për klientelizëm, përjashtim dhe përcarje të tyre.

 

 





Lajmet e fundit nga