web counter
LEXO PA REKLAMA!

SHKARKO APP

App Store
Google Play

E fundit!

x

PS-LSI përplasje për pushtetin lokal

25 Korrik 2015, 09:47, Aktualitet CNA

Nisin përplasjet e para mes Lëvizjes Socialiste për Integrim dhe Partisë Socialiste për ndarjen e pushtetit lokal. Edhe pse pak ditë më parë u bë e qartë skema se si po ndahej pushteti, ku partia që ka shumicën e anëtarëve në këshillat bashkiakë zgjedh kryetarin, duket se tani kjo metodë nuk po funksionon.

Dje dy forcat kryesore të qeverisë dhe koalicionit të majtë nuk kanë gjetur konsensusin për të zgjedhur kreun e këshillit bashkiak të Pukës, duke krijuar tension dhe përplasje. Pas ndarjes së mandateve dhe certifikimit të rezultatit, dje pritej konstituimi i këshillit, por përplasjet mes palëve bënë që ajo të shtyhet për të martën e javës që vjen. Këshilltarët e të dyja palëve nuk janë dakordësuar për emrin e kryetarit të këshillit. Mësohet se përfaqësuesit e Partisë Socialiste në këtë qytet kanë kërkuar që kryetar të jetë sekretari i saj Enver Sulejmani, këshilltari i vetëm i PS, ndërkohë që LSI ka tre. Nga ana tjetër kjo e fundit ka kërkuar që në krye të këshillit të vendoset kryetarja e kësaj partie në Pukë, zonja Sajmira Laçi .

 





Lajmet e fundit nga