web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja e BSH, Prokuroria mbyll hetimet ndaj ish-guvernatorit Fullanit

24 Korrik 2015, 10:00, Aktualitet CNA

Prokuroria mbyll hetimet për ish Guvernatorin e Bankës së Shqipërisë Ardian Fullani. Mësohet se Fullani do të paraqitet të hënën në Prokurori për tu njohur me akuzat.

Ish-Guvernatori u akuzua për shpërdorim detyre pas zbulimit të vjedhjes së 713 milionë lekëve nga Banka e Shqipërisë.

Skandali i vjedhjes së 713 milionë lekëve nga thesari u zbulua rreth një vit më parë, ndërsa Prokuroria vendosi arrestimin e të paktën 10 zyrtarëve të Bankës së Shqipërisë, mes të cilëve edhe ish-Guvernatorit Ardian Fullani.

Ky i fundit rifitoi lirinë nga Gjykata e Lartë, pasi shkallët e tjera të gjykimit kishin vendosur masën e sigurisë arrest me burg. Ai akuzohet se ka shpërdoruar detyrën të paktën në 5 pika, duke krijuar kushte që të cënohet siguria e parave të Bankës së Shqipërisë.

Vetë Fullani gjithmonë ka shprehur pafajësinë në lidhje me këtë vjedhje.

Më 20 maj Gjykata e Tiranës dënoi me 13.4 vite burg, Ardian Bitraj ish- punonjës i Thesarit dhe Mimoza Bruzian me 10 vite burg për akuzën e vjedhjes nga Thesari i Bankës së Shqipërisë, në qershor të vitit të kaluar.

Ardian Bitraj ka pranuar se ka kryer vjedhjen duke deklaruar se lekët i kishte humbur në pikat e lotove sportive ku ai luante rregullisht.

Gjykata e Tiranës së fundmi pezulloi kërkesën e Bankës së Shqipërisë për të detyruar Bitrajn të kthejë shumën e vjedhur.





Lajmet e fundit nga