web counter
LEXO PA REKLAMA!

SHKARKO APP

App Store
Google Play

E fundit!

x

Unaza energjetike e Jugut/ Rama: Siguron furnizimin me energji të bregdetit

24 Korrik 2015, 18:50, Aktualitet CNA

Kryeministri Edi Rama inspektoi të premten punimet për fuqizimin e transmetimit Babicë-Sarandë, 109 kilometra, pjesë e ?Unazës energjetike të Jugut? 110 kV.

Investimi prej 110 milionë eurosh, që përbën të parin në këtë segment, rreth 4 dekada pas elektrifikimit, parashikon zëvendësimin e rrjetit tërësisht të amortizuar, si dhe rritjen e cilësisë së furnizimit. Kryeministri ka garantuar banorët e zonës se, problemi i tyre shumëvjeçar me furnizimin me energji do të marrë fund.

?Ta mbyllim këtë historinë e energjisë elektrike, sepse u tmerruat. Kjo linjë do ta mbyllë të gjithë problemin që ka i gjithë bregdeti?, u shpreh kryeministri Edi Rama. rama u informua nga Ministri i Energjisë dhe Industrisë, damian Gjiknuri si dhe nga kreu i OST-së, Engjëll Zeqo për ecurinë e punimeve, si dhe u njoh me metodën e re të transportimit të fibrave, përmes ?drone?-it, për t?u shtrirë nga një shtyllë në tjetrën, çka deri më sot bëhej në mënyrë manuale nga vetë punëtorët.

Ndërsa ministri i Energjisë dhe Industrisë, Damian Gjiknuri vuri në dukje se përmes këtij investimi mbyllet përfundimisht problemi i furnizimit me energji. ?Ky investim dhe në tërësi unaza energjetike e jugut, tha do të mbyllë përfundimisht problemin e furnizimit me energji të gjithë kësaj zone turistike?, ministri Gjiknuri.
Sipas tij, gjithë fshatrat e Bregut që është dhe pjesa më turistike duhet të ketë një furnizim me energji shumë normal dhe të shmangë të gjitha këto probleme që janë hapur, sidomos kur janë temperaturat e nxehta. ?Mendoj se brenda dy vjetësh do të kemi një furnizim energjie me standarde bashkëkohore dhe nuk do të ketë më problem, gjithë struktura bazë për zhvillimin e turizmit do të jetë në dispozicion?, u shpreh Gjiknuri.

Drejtori i Operatorit të Sistemit të Transmetimit (OST), Zeqo tha se ky investim do garantojë përmirësimin në mënyrë rrënjësore të cilësisë së shërbimit të energjisë elektrike .?Krijon shumë mundësi për pjesën e turizmit, pasi sot shumë subjekte kanë probleme tensioni, punojnë me gjeneratorë. Një zonë e paprekur prej shumë e shumë vitesh. Është investimi më i madh që mund të jetë bërë ndonjëherë që nga ajo kohë?, theksoi ai.

Rrjeti i transmetimit 110 kv të jugut të Shqipërisë, ose siç njihet unaza energjetike e jugut, e cila është në fazën e implementimit, përbëhet nga linjat 110 kv Vlorë-Sarandë; Ersekë-Përmet; Korçë-Ersekë; Përmet-Këlcyrë-Memaliaj dhe Zemblak-Korçë. Drejtori i OST-së informoi se në shtator përfundon linja Korçë-Ersekë dhe me përfundimin e linjës Babicë-Sarandë, brenda vitit 2015 krejt unaza e jugut do të jetë me një linjë të re.

?Paralel po punohet edhe për segmentin fundit që ka ngelur Korçë-Ersekë dhe në fund të shtatorit mbaron ndërtimi i linjës së re dhe sëbashku me këtë, e gjithë pjesa nga Korça deri në Babicë do të jetë linja e re?, -tha Zeqo
Në terren, për herë të parë u demonstrua edhe metoda e re e transportimit përmes dronit të fibrave për t?u shtrirë nga një shtyllë në tjetrën, çka deri më sot bëhej në mënyrë manuale nga vetë punëtorët./a.gjonaj/ATSH





Lajmet e fundit nga