E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

Shkrirja e akujve rrezikon zhdukjen e ariut polar

26 Korrik 2015, 20:56, Aktualitet CNA

Pasi kaloi verën për dy vjet në Arktik duke vëzhguar arinjtë polarë, një ekip kërkimor përshkruan mbijetesën në një mjedis të ndryshueshëm ku akulli i detit po shkrin më me shpejtësi nga ç?ishte parashikuar. Studimi në revistën Science paraqet një të ardhme të zymtë për këtë kafshë, nëse nuk bie sasia e çlirimit të gazit në ajër.

Arinjtë polarë e përdorin akullin e detit si platformë për të gjuajtur. Por, ndërsa ky habitat tkurret nga ngrohja, arinjtë nuk kanë qasje tek ushqimi për periudha të gjata kohe.

?Me shkurtimin e sezonit pranveror të gjahut, zgjatjen e sezonit të verës në një kohë kur janë të paushqyer mirë dhe ndërsa hasin vështirësi për të gjetur ushqim në dimër, arinjtë polarë janë të stresuar fiziologjikisht?, thotë Merav Ben David e departamentit të zoologjisë, në Universitetin e Uajoming.

Duke udhëtuar në akull, studiuesit e Universitetit të Uajoming kapën mbi 12 arinj, duke iu marrë kampione gjaku dhe duke përdorur sensorë për të matur temperaturën. Ata vëzhguan arinjtë në akull dhe në tokë për dy vjet.

Kërkime të mëparshme linin të kuptohej se arinjtë kompensojnë në një farë mase mungesën e ushqimit në verë duke bërë gjumin e dimrit duke ecur, duke ngadalësuar aktivitetin e metabolizmin në nivelin e asaj që bëjnë arinjtë në dimër.

Ne arritëm në përfundimin se arinjtë polarë, ashtu si kushërinjtë e tyre më të afërt, arinjtë e murrmë, nuk janë në gjendje të ulin ritmin e metabolizmit në nivelin e dimërimit. Prandaj koha që ata mund të përballojnë pa u ushqyer në verë, është e kufizuar,? thotë zonja David.

Kështu, thotë ajo, ata nuk mund të ruajnë aq shumë energji sa ç?mendohej më parë. Në një artikull në revistën Science, autorët thonë se duhet vepruar.

“Nëse duam të jemi qytetarë të përgjegjshëm të planetit, duhet të bëjmë të pamundurën, që të frenojmë, të kthejmë mbrapsht prirjen për shkrirjen e akullit?.

Kjo do të thotë që të pakësohet çlirimi i gazeve që po ngrohin planetin dhe po sjellin gradualisht zhdukjen e ariut polar.