web counter
LEXO PA REKLAMA!

SHKARKO APP

App Store
Google Play

E fundit!

x

Agon Channel në krizë? Mund t'u ndërpresë kontratat 70 punonjësve

28 Korrik 2015, 11:35, Aktualitet CNA

Agon Channel duket se është në krizë financiare pas vendosjes së tij në sekuestro preventive dhe shpalljes së pronarit, Francesco Becchetti në kërkim ndërkombëtar për pastrim parash. Pak ditë më parë një grup gazetarësh, operatorësh e montazhierësh iu drejtuan me një letër Unionit të Gazetarëve, duke i shprehur shqetësimin se nuk kishin marrë pagat prej 3 muajsh. Pavarësisht vendosjes së Agon Channel nën administrim shtetëror, punonjësit kanë vijuar punë normalisht, por një pjesë e tyre nuk është paguar, siç thuhet në letrën e mbërritur në zyrat e Unionit të Gazetarëve.

Të papaguar janë kryesisht punonjës të thjeshtë. Burime nga Agon Channel thanë për lapsi.al se Agon Channel mund të pushojë nga puna rreth 70 punonjës. Sipas të njëjtave burime, avokatët e kompanisë pritet të firmosin ndërprerjen e kontrave me ata, në pamundësi për t?i paguar. Një ditë më parë prokuroria ngriti zyrtarisht akuzat ndaj Francesco Becchettit.

Ai akuzohet për pastrim parash, vjedhje të ortakëve në biznes dhe krijim të skemave të mashtrimit. Sipas prokurorisë së Tiranës Becchetti ka ngritur një prej skemave më të mëdha të pastrimit të parave në Shqipëri. Një pjesë të të ardhurave të përfituara nga ky mekanizëm, sipas hetimeve, rezulton se ai i ka investuar në Agon Channel, në pajisje, ambiente e paga. Francesco Becchetti nuk dihet se ku është. Ai rezulton i shpallur në kërkim ndërkombëtar nga drejtësia shqiptare. Që nga shpallja në kërkim ai nuk është shfaqur në publik dhe ka humbur gjurmët. Lapsi.al 





Lajmet e fundit nga