web counter
LEXO PA REKLAMA!

SHKARKO APP

App Store
Google Play

E fundit!

x

Ja si të përdorim kondicionerin

28 Korrik 2015, 19:00, Lifestyle CNA

Kondicionerët janë objekti kryesor, i cili na duhet për të bërë të mundur freskimin e ambjentit. Ekzistojnë disa mënyra të cilat na ndihmojnë për të bërë një ftohje të mirë të ambjentit kundrejt një kursimi energjie.

Pesë këshilla të thjeshta për të “mposhtur” vapën:

Temperatura

Ideale do të ishte të mbanit një diferencë prej 5 gradë Celcius të ambientit të brendshëm me atë të jashtëm. Edhe një diferencë e vogël prej 2 gradë Celcius në fakt, mund t’ju japë shumë freski, pasi shoqërohet me reduktimin e lagështirës në ajër. Përveç kësaj, kurseni 20% të energjisë.

Dritaret dhe dyert të mbyllura

Sigurohuni që dyert dhe dritaret janë të mbyllura mirë gjatë ditës, në veçanti gjatë orëve të pikut, ndërkohë që kondicioneri është duke punuar. Nëse i mbani hapur, në shtëpinë tuaj do të hyjë ajër me një temperaturë 35- 40 gradë Celcius, dhe kondicioneri do të punojë në maksimumin e tij për të mbajtur nivelin e duhur. Në këtë mënyrë rrisni konsumin e energjisë me 35%.

Filtrat

Pastroni filtrat e kondicionerit në mënyrë periodike që të mos dëmtohen, dhe për të mbajtur një rendimet të lartë të aparatit, duke evituar dhe harxhimin e kotë të energjisë.

Fluksi i ajrit

Mos pengoni fluksin e ajrit që hyn apo që del nga aparati. Është e rëndësishme që zonën përballë kondicionerit ta keni të zbrazët në mënyrë që ajri të qarkullojë lirisht.

Ajri i kondicionuar dhe njeriu

Evitoni që ajri i freskët të bjerë direkt mbi personin. Kjo mund të bëhet shkak për sëmundje dhe ftohje. Është më mirë që ajri i freskët të jetë drejtuar për lart, pasi do të zbresë në mënyrë natyrale.

 





Lajmet e fundit nga