Artan Fuga: Sot dita më e zezë për arsimin publik shqiptar, PD nuk e kundërshtoi projektligjin

21 Korrik 2015, 07:30, Sociale CNA

Akademiku Artan Fuga e ka cilësuar të martën e sotme si ditën më të zezë për arsimin e lartë publik shqiptar, pasi sot pritet që të miratohet ligji i shumëdebatuar për arsimin e lartë. A i ka vijuar me reagime kundër këtij drafti, teksa është shprehur se shumë shpejt do të dalin në pah dëmet që do të shkaktojë ky draft. ?Unë vazhdoj t’i qëndroj mendimit të patundur se nesër (sot) do të jetë një ditë e zezë për arsimin tonë kombëtar dhe këtë do ta provojë koha shumë shpejt?, tha ai. Profesor Fuga u është përgjigjur edhe kritikëve ndaj tij, mbi pjesëmarrjen e djeshme në tryezën e zhvilluar nga Partia Demokratike kundër këtij drafti. ?Lidhur me angazhimin tim kundër projektligjit të arsimit të lartë që do të aprovohet sigurisht nesër (sot) në Kuvend, ka raportime në ndonjë media sikur unë kam akuzuar persona konkretë, personalitete politike, që të kenë përfituar padrejtësisht për të qenë në mbështetje, në heshtje, ose kundër këtij ligji?, ka vijuar Fuga.

Po ashtu akademiku ka deklaruar se nuk ka bërë asnjë kritikë ndaj kreut të opozitës Lulzim Basha, sikundër është deklaruar ndaj tij. Fuga ka thënë se i interesojnë vetëm kritikat ndaj draftit dhe asgjë tjetër nga politika. ?Ndërkohë deklaroj se nuk kam akuzuar askënd personalisht, aq më pak zotin Lulzim Basha, sikurse raportohet nga ndokush, dhe se mua me intereson thjesht dhe vetëm kritika e politikave që na kanë çuar në atë projekt-ligj ose nuk e penguan atë me instrumentet e demokracisë parlamentare. Kritika konstruktive ndaj opozitës nuk më duket ndonjë sakrilegj sa kohë që ne si qytetarë kemi nevojë edhe për qeverinë edhe për opozitën për t’i pasur në pozicionin e duhur. Kaq. Çdo raportim tjetër që e personalizon çështjen, edhe nëse nuk është dashakeqës ose provokativ, është joprofesional dhe jo i vërtetë, çka cik edhe shpifjen?, ka vijuar ai. Fuga ka kritikuar edhe qëndrimin e fundit të Lulzim Bashës dhe PD.

?Përse jam kritik ndaj qëndrimit politik të Partisë Demokratike për projektligjin për Arsimin e Lartë? Përse deputetët e saj në komisione dhe në seance plenare nuk kërkuan të vijnë ekspertë të huaj dhe vendas për të pasur një gjykim të pavarur ndaj një projektligji të paraqitur nga Ministria e Arsimit? Perse qeveria merr ?ekspertë? kurse Kuvendi nuk paska të drejtë të marri? Edhe kur ne ua sjellim nga Brukseli bëjnë sikur ata kanë ardhur për turizëm a shëtitje. Perse në vend të gjykojnë projektligjin si një akt normativ në kundërshtim me Kushtetutën, merret me analiza krejt relative dhe subjektive dhe për pasojat teorike që ai ligj do të sjellë? Si nuk artikuluan se atë projektligj do ta çojnë në Gjykate Kushtetuese po u votua? Përse nuk e bëjnë??, ka pohuar ai.