web counter
LEXO PA REKLAMA!

SHKARKO APP

App Store
Google Play

E fundit!

x

Altin Shegani: Projektligji vë në pikëpyetje autonominë e universiteteve

21 Korrik 2015, 07:26, Sociale CNA

Dekani i Fakultetit të Drejtësisë, Altin Shegani, i thirrur në tryezën e organizuar nga kreu i opozitës, Lulzim Basha, u shpreh se projektligji për arsimin e lartë vë në pikëpyetje autonominë e universiteteve.   ?Konceptet bazë të autonomisë universitare dhe lirisë akademike nuk pasqyrohen drejt. Ky projektligj në fakt është një përkthim i keq i lirisë akademike dhe vë në pikëpyetje autonominë e universiteteve, sepse universitetit në këndvështrimin e profesor de Groof nuk është bashkim thjesht entitetesh, por së pari është një sistem i mirëfilltë vlerash dhe duhet të ketë autonomi në procedurat  administrative, në menaxhim pagash, pagesa të tjera dhe brenda vetë universitetit duhet të ketë autonomi ndërmjet strukturave përbërëse të tij, gjë e cila në frymën e draftit aktual nuk ekziston.

Nevojitet balancë midis kompetencave; në fakt nuk ka balancë midis kompetencave. Imagjinoni që në draftin aktual përgjegjësit e departamentit komunikon me rektorin, duke anashkaluar dekanin, lidhur me një sërë gjërash të rëndësishme qoftë edhe për të nisur procedurën e  largimit të një punonjësi  mësimor shkencor. Nëse  do të ndiqej ky model  i vënies në fuqi të departamenteve, atëherë në projektligj nuk mund të thuhet që dekani është autoriteti më i lartë, se pastaj përse është autoriteti më i lartë? Këtu gjërat bien ndesh haptaz?, tha Shegani. Gjithashtu, pedagogu ka deklaruar se në projektligj mungon një kapitull që frenon korrupsionin.  / Sot





Lajmet e fundit nga