web counter
LEXO PA REKLAMA!

SHKARKO APP

App Store
Google Play

E fundit!

x

Dhori Kule: Me ligjin e ri për arsimin e lartë, e mira publike do të shndërrohet në të mirë private

18 Korrik 2015, 17:30, Sociale CNA

Rektori i Universitetit të Tiranës, Dhori Kule, në një intervistë për gazetën ?Sot?, ka rrëfyer arsyet se përse ligji për arsimin e lartë nuk duhet të miratohet në formën e paraqitur nga Ministria e Arsimit. Kule ka deklaruar se janë një sërë nenesh që duhet të ndryshohen, ndërsa për kapitullin 12, kapitull i cili parashikon krijimin e universiteteve publike të pavarura, ai është shprehur se ky kapitull duhej të hiqej. Rektori ka rrëfyer arsyet se përse ka propozuar një gjë të tillë.

Sipas tij, ai në radhë të parë bie ndesh me Kushtetutën, duke qenë se Kushtetuta parashikon autonomi dhe jo pavarësi. Po ashtu, një tjetër argument i dhënë nga rektori është se ky ligj favorizon privatin. Sipas tij, sot arsimi i lartë është një e mirë publike, ndërkohë që me këtë kapitull ai do të shndërrohet në një të mirë private. Kule ka folur edhe për një sërë agjenci dhe struktura që krijohen me ligjin e ri. Një ndër ta është dhe Bordi i Administrimit. Sipas rektorit duhet që të ndryshonin kompetencat e kësaj strukture. Një ndër to është dhe miratimi i buxhetit. Kule ka hedhur idenë që buxheti të përcaktohet nga Kuvendi. I pyetur se cili do të jetë qëndrimi i Universitetit të Tiranës nëse drafti miratohet pa marr parasysh sugjerimet e tyre, ai tha se pedagogët dhe stafet pedagogjike janë të detyruara ta pranojnë./ Sot





Lajmet e fundit nga